8.81C Vancouver 8.81C VancouverMay 21, 2025 1:30 PM - The Canadian Press
ਐਲਬਰਟਾ ਵਿਚ ਖਸਰਾ ਪੀੜਤਾਂ ਦੀ ਗਿਣਤੀ ਵਿਚ ਲਗਾਤਾਰ ਵਾਧਾ ਹੋ ਰਿਹਾ ਹੈ ਅਤੇ ਕੁੱਲ ਪੀੜਤਾਂ ਦੀ ਗਿਣਤੀ 486 ਹੋ ਗਈ ਹੈ।ਸੂਬੇ ਦੇ ਦੱਖਣੀ ਸਿਹਤ ਖੇਤਰ ਤੋਂ ਸਭ ਤੋਂ ਵੱਧ ਮਾਮਲੇ ਦਰਜ ਹੋਏ ਹਨ,ਜਿਨ੍ਹਾਂ ਵਿਚ ਲੈਥਬ੍ਰਿਜ,ਮੈਡੀਸਨ ਹੈਟ ਅਤੇ ਟੇਬਰ ਦੇ ਇਲਾਕੇ ਆਉਂਦੇ ਹਨ। ਪੀੜਤਾਂ ਵਿਚੋਂ 80 ਫੀਸਦੀ ਗਿਣਤੀ ਬੱਚਿਆਂ ਦੀ ਹੈ। 149 ਮਰੀਜ਼ਾਂ ਦੀ ਉਮਰ 5 ਸਾਲ ਤੋਂ ਘੱਟ ਹੈ। ਇਸ ਸਮੇਂ 35 ਮਰੀਜ਼ ਹਸਪਤਾਲਾਂ ਵਿਚ ਹਨ।
ਐਲਬਰਟਾ ਯੂਨੀਵਰਸਿਟੀ ਦੇ ਡਾ.ਲੇਨੋਰ ਸੈਕਸਿੰਗਰ ਦੇ ਮੁਤਾਬਕ ਪਹਿਲਾਂ ਹਰ ਸਾਲ ਖਸਰੇ ਦੇ ਕਰੀਬ 10 ਮਾਮਲੇ ਦਰਜ ਹੁੰਦੇ ਸਨ ਪਰ ਹੁਣ ਹਾਲਾਤ ਅਜਿਹੇ ਹਨ ਕਿ ਇਕ ਦਿਨ ਵਿਚ ਕਰੀਬ 15 ਮਰੀਜ਼ਾਂ ਦੀ ਪੁਸ਼ਟੀ ਹੋ ਰਹੀ ਹੈ। ਕੈਨੇਡਾ ਵਿਚ ਖਸਰੇ ਦੇ ਸਭ ਤੋਂ ਵੱਧ ਮਾਮਲੇ ਓਨਟਾਰੀਓ ਅਤੇ ਦੂਜੇ ਨੰਬਰ 'ਤੇ ਐਲਬਰਟਾ ਤੋਂ ਦਰਜ ਹੋਏ ਹਨ। ਸੂਬੇ ਵਲੋਂ ਲੋਕਾਂ ਨੂੰ ਖਸਰੇ ਤੋਂ ਬਚਾਅ ਲਈ ਟੀਕਾਕਰਣ ਕਰਵਾਉਣ ਦੀ ਸਲਾਹ ਦਿੱਤੀ ਗਈ ਹੈ।
