ਐਲਬਰਟਾ ਨੇ ਅਮਰੀਕੀ ਸ਼ਰਾਬ ਅਤੇ ਜੂਏ ਦੀਆਂ ਮਸ਼ੀਨਾਂ ਨੂੰ ਮੁੜ ਖਰੀਦਣਾ ਕੀਤਾ ਸ਼ੁਰੂ

ਅਮਰੀਕਾ ਵਲੋਂ ਟੈਰਿਫ ਦੀ ਘੋਸ਼ਣਾ ਦੇ 3 ਮਹੀਨਿਆਂ ਬਾਅਦ ਐਲਬਰਟਾ ਸਰਕਾਰ ਮੁੜ ਅਮਰੀਕੀ ਸ਼ਰਾਬ ਅਤੇ ਜੂਏ ਦੀਆਂ ਮਸ਼ੀਨਾਂ ਖਰੀਦਣ ਜਾ ਰਹੀ ਹੈ। ਸਰਵਿਸ ਐਲਬਰਟਾ ਦੇ ਮੰਤਰੀ ਡੇਲ ਨੈਲੀ ਨੇ ਜਾਣਕਾਰੀ ਦਿੱਤੀ ਕਿ ਇਸ ਕਦਮ ਨਾਲ ਕੈਨੇਡਾ-ਸੰਯੁਕਤ ਰਾਜ-ਮੈਕਸੀਕੋ ਵਪਾਰ ਸਮਝੌਤੇ ਸਬੰਧੀ ਹੋਰ ਗੱਲਬਾਤ ਲਈ ਸਟੇਜ ਤਿਆਰ ਹੋ ਸਕਦੀ ਹੈ।

ਗੌਰਤਲਬ ਹੈ ਕਿ ਅਮਰੀਕਾ ਦੇ ਕੈਨੇਡ਼ੀਅਨ ਸਮਾਨ 'ਤੇ ਟੈਰਿਫ ਲਾਉਣ ਮਗਰੋਂ ਐਲਬਰਟਾ ਨੇ ਕਿਹਾ ਸੀ ਕਿ ਉਹ ਅਮਰੀਕੀ ਸ਼ਰਾਬ ਅਤੇ ਜੂਏ ਦੀਆਂ ਮਸ਼ੀਨਾਂ ਲਈ ਅਮਰੀਕਾ ਨਾਲ ਅੱਗੇ ਡੀਲ ਨਹੀਂ ਕਰਨਗੇ। ਉਸ ਸਮੇਂ ਹੋਰ ਪ੍ਰੀਮੀਅਰਜ਼ ਨੇ ਵੀ ਇਸੇ ਤਰ੍ਹਾਂ ਦਾ ਐਲਾਨ ਕੀਤਾ ਸੀ।