ਐਲਬਰਟਾ ਪ੍ਰੀਮੀਅਰ ਨੇ ਪੀ.ਐਮ ਵਲੋਂ ਐਲਾਨੇ ਪ੍ਰੋਜੈਕਟਾਂ ਦਾ ਕੀਤਾ ਸਮਰਥਨ,ਵੈਸਟ ਕੋਸਟ ਤੇਲ ਪਾਈਪਲਾਈਨ ਲਈ ਕੋਸ਼ਿਸ਼ ਜਾਰੀ

ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਵਲੋਂ ਐਲਾਨੇ ਗਏ ਵੱਡੇ ਪ੍ਰੋਜੈਕਟਾਂ ਦੀ ਨਵੀਂ ਸੂਚੀ ਦਾ ਸਮਰਥਨ ਕੀਤਾ ਹੈ। ਹਾਲਾਂਕਿ, ਇਸ ਸੂਚੀ ਵਿੱਚ ਵੈਸਟ ਕੋਸਟ ਦੀ ਤੇਲ ਪਾਈਪਲਾਈਨ ਸ਼ਾਮਲ ਨਹੀਂ ਹੈ,ਜਿਸ ਦੀ ਸਮਿਥ ਸਰਕਾਰ ਵਕਾਲਤ ਕਰ ਰਹੀ ਹੈ।

ਸਮਿਥ ਦਾ ਕਹਿਣਾ ਹੈ ਕਿ ਬਿਟੂਮਨ ਪਾਈਪਲਾਈਨ ਅਤੇ ਫੈਡਰਲ ਇਨਵਾਇਰਮੈਂਟਲ ਲੌਸ ਵਿੱਚ ਸੁਧਾਰ ਬਾਰੇ ਗੱਲਬਾਤ ਜਾਰੀ ਹੈ,ਜਿਸ ਬਾਰੇ ਅਗਲੇ ਸਾਲ ਸਪਰਿੰਗ ਤੱਕ ਫੈਸਲਾ ਆਉਣ ਦੀ ਸੰਭਾਵਨਾ ਹੈ।ਦੱਸ ਦੇਈਏ ਕਿ ਫੈਡਰਲ ਸਰਕਾਰ ਨੇ ਬੀਤੇ ਦਿਨ 7 ਫਾਸਟ ਟਰੈਕ ਪ੍ਰਾਜੈਕਟ ਦੇ ਦੂਜੇ ਬੈਚ ਦੀ ਲਿਸਟ ਜਾਰੀ ਕੀਤੀ।ਸਮਿਥ ਨੇ ਕਿਹਾ ਇਨ੍ਹਾਂ ਵਿਚੋਂ ਬਹੁਤੇ ਵਧੀਆ ਰੈਵੇਨਿਊ ਦੇਣ ਵਾਲੇ ਪ੍ਰੋਜੈਕਟ ਹਨ।

ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਹ ਬਿਟੂਮਨ ਪਾਈਪਲਾਈਨ ਲਈ ਗੱਲਬਾਤ ਜਾਰੀ ਰੱਖਣਗੇ। ਪੀ.ਐੱਮ.ਕਾਰਨੀ ਨੇ ਕਿਹਾ ਕਿ ਉਹ ਐਲਬਰਟਾ ਦੀ ਕਾਰਬਨ ਮਾਰਕੀਟ ਅਤੇ ਰੈਗੂਲੇਸ਼ਨ ਨੂੰ ਹੋਰ ਪ੍ਰਭਾਵਸ਼ਾਲੀ ਦੇਖਣਾ ਚਾਹੁੰਦੇ ਹਨ। ਸਮਿਥ ਨੇ ਕਿਹਾ ਕਿ ਜੇਕਰ ਓਟਵਾ ਤੇ ਐਲਬਰਟਾ ਨਵੇਂ ਰੈਗੂਲੇਟਰੀ ਭਵਿੱਖ ਲਈ ਸਮਝੌਤਾ ਕਰਦੇ ਹਨ ਤਾਂ ਨਵੀਂ ਪਾਈਪਲਾਈਨ ਦੀ ਅਗਵਾਈ ਲਈ ਕੰਪਨੀ ਮਿਲਣੀ ਸੌਖੀ ਹੋਵੇਗੀ।