ਐਡਮਿੰਟਨ ਅਤੇ ਫੋਰਟ ਮੈਕਮਰੀ ਦੇ ਐਜੂਕੇਸ਼ਨ ਸਟਾਫ ਵਲੋਂ ਜਾਰੀ ਹੜਤਾਲ ਹੋਈ ਖਤਮ

ਐਡਮਿੰਟਨ ਅਤੇ ਫੋਰਟ ਮੈਕਮਰੀ ਦੇ ਐਜੂਕੇਸ਼ਨ ਸਟਾਫ ਵਲੋਂ ਜਾਰੀ ਹੜਤਾਲ ਖਤਮ ਹੋ ਗਈ ਹੈ। 4000 ਤੋਂ ਵੱਧ ਸਟਾਫ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਨੇ ਸ਼ਨੀਵਾਰ ਦੱਸਿਆ ਕਿ 2 ਮਹੀਨਿਆਂ ਦੀ ਮਿਹਨਤ ਦੇ ਬਾਅਦ ਸਟਾਫ ਦੀਆਂ ਮੰਗਾਂ ਸੁਣੀਆਂ ਗਈਆਂ ਹਨ। ਕੈਨੇਡੀਅਨ ਯੂਨੀਅਨ ਆਫ਼ ਪਬਲਿਕ ਇੰਪਲਾਈਜ਼ ਮੁਤਾਬਕ ਇਹ ਡੀਲ ਐਡਮਿੰਟਨ ਪਬਲਿਕ ਸਕੂਲ ਬੋਰਡ, ਫੋਰਟ ਮੈਕਮਰੀ ਦੇ ਪਬਲਿਕ ਅਤੇ ਕੈਥੋਲਿਕ ਸਕੂਲ ਬੋਰਡ ਲਈ ਅਪਲਾਈ ਹੋਵੇਗੀ।

ਯੂਨੀਅਨ ਦੇ ਮੁਖੀ ਰੋਰੀ ਗਿੱਲ ਮੁਤਾਬਕ ਇਕ ਹਫਤੇ ਦੇ ਅੰਦਰ ਇਸ ਸਬੰਧੀ ਪੂਰੀ ਜਾਣਕਾਰੀ ਸਪੱਸ਼ਟ ਕੀਤੀ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਤਨਖ਼ਾਹ ਵਾਧੇ ਲਈ 3 ਸਮਝੌਤੇ ਹੋਏ ਹਨ ਅਤੇ ਇਹ ਅਗਸਤ 2028 ਤੱਕ ਵੈਲਿਡ ਰਹਿਣਗੇ। ਇਹ ਸਮਝੌਤੇ ਕੈਲਗਰੀ, ਸਟਰਜਨ, ਪਾਰਕਲੈਂਡ, ਫੁੱਟਹਿਲਜ਼ ਅਤੇ ਬਲੈਕ ਗੋਲਡ ਸਕੂਲ ਡਿਵੀਜ਼ਨ ਲਈ ਨਹੀਂ ਹਨ। ਫਿਲਹਾਲ ਉਨ੍ਹਾਂ ਵਲੋਂ ਵੀ ਸਮਝੌਤੇ ਲਈ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।