Alberta ਸੂਬੇ ਦੇ ਪੈਨਸ਼ਨ ਪਲੈਨ 'ਤੇ ਭਲਕੇ ਰਿਪੋਰਟ ਕਰਨ ਜਾ ਰਹੀ ਹੈ ਜਾਰੀ

Alberta ਸਰਕਾਰ ਆਪਣੇ ਪੈਨਸ਼ਨ ਪਲਾਨ ਸਬੰਧੀ ਲੰਬੇ ਸਮੇਂ ਤੋਂ ਵਾਅਦਾ ਕੀਤੀ ਰਿਪੋਰਟ ਜਾਰੀ ਕਰਨ ਜਾ ਰਹੀ ਹੈ। ਇਹ ਰਿਪੋਰਟ ਸੂਬੇ ਨੂੰ ਕੈਨੇਡਾ ਪੈਨਸ਼ਨ ਪਲਾਨ ਨੂੰ ਛੱਡ ਦੇਣਾ ਚਾਹੀਦਾ ਹੈ ਜਾਂ ਆਪਣੇ ਖੁਦ ਦੇ ਪ੍ਰੋਵਿੰਸ਼ੀਅਲ ਪ੍ਰੋਗਰਾਮ ਨੂੰ ਅੱਗੇ ਵਧਾਉਣਾ ਚਾਹੀਦਾ ਹੈ ਇਸ ਬਾਰੇ ਹੋਵੇਗੀ।

ਪ੍ਰੀਮੀਅਰ ਡੈਨੀਅਲ ਸਮਿਥ, ਖ਼ਜ਼ਾਨਾ ਮੰਤਰੀ ਨੇਟ ਹੌਰਨਰ ਅਤੇ ਪੈਨਲ ਦੇ ਮੁਖੀ ਜਿਮ ਡਿਨਿੰਗ ਦੇ ਨਾਲ ਵੀਰਵਾਰ ਨੂੰ ਕੈਲਗਰੀ ਵਿਚ ਇੱਕ ਨਿਊਜ਼ ਕਾਨਫਰੰਸ ਵਿਚ ਰਿਪੋਰਟ ਜਾਰੀ ਕਰਨ ਵਾਲੇ ਹਨ।

ਸਮਿਥ ਦਾ ਕਹਿਣਾ ਹੈ ਕਿ ਰਿਪੋਰਟ ਜੋ ਵੀ ਹੋਵੇਗੀ, ਆਖਰੀ ਫੈਸਲਾ ਅਲਬਰਟਨਜ਼ ਦੀ ਰਾਇਸ਼ੁਮਾਰੀ ਨਾਲ ਹੋਵੇਗਾ ਕਿ ਕੀ ਕੈਨੇਡਾ ਪੈਨਸ਼ਨਲ ਪਲੈਨ ਛੱਡਣਾ ਹੈ ਜਾਂ ਨਹੀਂ।

ਉਥੇ ਹੀ, ਵਿਰੋਧੀ ਧਿਰ ਐੱਨ. ਡੀ. ਪੀ. ਦਾ ਕਹਿਣਾ ਹੈ ਕਿ ਸਮਿਥ ਫੈਡਰਲ ਸਰਕਾਰ ਨਾਲ ਇੱਕ ਹੋਰ ਵਿਵਾਦ ਛੇੜ ਕੇ ਸਿਆਸਤ ਖੇਡਣ ਦੀ ਕੋਸ਼ਿਸ਼ ਕਰ ਰਹੀ ਹੈ।

ਐੱਨ. ਡੀ. ਪੀ. ਨੇ ਓਪੀਨੀਅਨ ਪੋਲ ਦਾ ਹਵਾਲਾ ਦਿੰਦੇ ਹੋਏ ਇਹ ਵੀ ਕਿਹਾ ਕਿ ਇਹ ਵਿਚਾਰ ਜਨਤਕ ਭਾਵਨਾਵਾਂ ਦੇ ਉਲਟ ਹੈ, ਓਪੀਨੀਅਨ ਪੋਲ ਮੁਤਾਬਕ ਅਲਬਰਟਨਜ਼ ਸੀ. ਪੀ. ਪੀ. ਨੂੰ ਛੱਡਣ ਦੇ ਹੱਕ ਵਿਚ ਨਹੀਂ ਹਨ।