19.75C Vancouver 19.75C VancouverJun 3, 2025 4:39 PM - The Canadian Press
ਐਲਬਰਟਾ ਵਿਚ ਖਸਰੇ ਦੇ ਮਾਮਲੇ 700 ਤੋਂ ਪਾਰ ਹੋ ਗਏ ਹਨ ਅਤੇ ਐਡਮਿੰਟਨ ਲਈ ਪਬਲਿਕ ਅਲਰਟ ਜਾਰੀ ਕੀਤਾ ਗਿਆ ਹੈ। ਐਲਬਰਟਾ ਹੈਲਥ ਸਰਵਿਸਿਜ਼ ਨੇ ਅਲਰਟ ਕਰਦਿਆਂ ਦੱਸਿਆ ਕਿ ਸੂਬੇ ਵਿਚ ਖਸਰਾ ਪੀੜਤਾਂ ਦੀ ਗਿਣਤੀ 710 ਹੋ ਗਈ ਹੈ। ਇਕ ਖਸਰਾ ਪੀੜਤ ਵਿਅਕਤੀ ਐਡਮਿੰਟਨ ਦੇ ਯੂਨੀਵਰਸਿਟੀ ਆਫ਼ ਐਲਬਰਟਾ ਹਸਪਤਾਲ ਵਿਚ ਬੁੱਧਵਾਰ ਸ਼ਾਮ ਘੁੰਮਦਾ ਰਿਹਾ।
ਔਫੀਸ਼ੀਅਲਜ਼ ਨੇ ਕਿਹਾ ਕਿ ਹੋ ਸਕਦਾ ਹੈ ਕਿ ਕੋਈ ਉਸ ਦੇ ਸੰਪਰਕ ਵਿਚ ਆਇਆ ਹੋਵੇ, ਇਸ ਲਈ ਇੱਥੇ ਉਸ ਦਿਨ ਮੌਜੂਦ ਲੋਕ ਆਪਣੀ ਸਿਹਤ ਦਾ ਧਿਆਨ ਰੱਖਣ। ਔਫੀਸ਼ੀਅਲਜ਼ ਮੁਤਾਬਕ 21 ਲੋਕ ਹੋਰਾਂ ਨੂੰ ਬੀਮਾਰ ਕਰਨ ਵਾਲੇ ਵਾਇਰਸ ਦੀ ਲਪੇਟ ਵਿਚ ਹਨ। ਸੂਬੇ ਦੀ ਸਿਹਤ ਏਜੰਸੀ ਨੇ ਸਾਊਥ ਜ਼ੋਨ ਲਈ ਅਲਰਟ ਜਾਰੀ ਕੀਤਾ ਹੈ। ਐਡਮਿੰਟਨ ਜ਼ੋਨ ਵਿਚੋਂ 6 ਅਤੇ ਕੈਲਗਰੀ ਵਿਚੋਂ 13 ਮਾਮਲਿਆਂ ਦੀ ਪੁਸ਼ਟੀ ਹੋਈ ਹੈ। 535 ਮਰੀਜ਼ਾਂ ਦੀ ਉਮਰ 18 ਸਾਲ ਤੋਂ ਘੱਟ ਹੈ।
