ਐਲਬਰਟਾ ਪੀਸ ਔਫੀਸਰਜ਼ ਪੁਲਿਸ ਨਾਲ ਮਿਲ ਕੇ ਫੈਂਟਾਨਾਇਲ ਸੰਕਟ ਦਾ ਕਰਨਗੇ ਹੱਲ

ਐਲਬਰਟਾ ਸਰਕਾਰ ਦਾ ਕਹਿਣਾ ਹੈ ਕਿ ਫੈਂਟਾਨਾਇਲ ’ਤੇ ਕਾਰਵਾਈ ਕਰਨ ਲਈ ਲਗਭਗ 800 ਪੀਸ ਆਫਿਸਰ ਸੂਬੇ ਭਰ ਵਿਚ 34 ਪੁਲਿਸ ਫੋਰਸ ਨਾਲ ਮਿਲ ਕੇ ਕੰਮ ਕਰਨਗੇ। ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਵਲੋਂ ਧਮਕੀਆਂ ਤੋਂ ਬਾਅਦ ਸੂਬੇ ਨੇ ਇਹ ਕਦਮ ਚੁੱਕਿਆ ਹੈ, ਜਿਸ ਵਿਚ ਕਿਹਾ ਗਿਆ ਸੀ ਕਿ ਜਾਂ ਤਾਂ ਕੈਨੇਡਾ ਫੈਂਟਾਨਾਇਲ ’ਤੇ ਨਕੇਲ ਕੱਸੇ ਜਾਂ ਕੈਨੇਡੀਅਨ ਸਮਾਨ ’ਤੇ ਟੈਰਿਫ ਦਾ ਸਾਹਮਣਾ ਕਰੇ।

ਔਫੀਸ਼ੀਅਲਜ਼ ਦਾ ਕਹਿਣਾ ਹੈ ਕਿ ਐਲਬਰਟਾ ਸਰਹੱਦ ਦੀ ਸੁਰੱਖਿਆ ਅਤੇ ਫੈਂਟਾਨਾਇਲ ਤਸਕਰੀ ਰੋਕਣ ਲਈ ਕੰਮ ਕਰ ਰਿਹਾ ਹੈ। ਸੂਬੇ ਦੇ ਪਬਲਿਕ ਸੇਫਟੀ ਮੰਤਰੀ ਮਾਈਕ ਐਲਿਸ ਦਾ ਕਹਿਣਾ ਹੈ ਕਿ ਇਸ ਸੰਕਟ ਤੋਂ ਬਚਾਅ ਲਈ ਤੁਰੰਤ ਕਾਰਵਾਈ ਦੀ ਜ਼ਰੂਰਤ ਹੈ।

ਔਫੀਸ਼ੀਅਲਜ਼ ਮੁਤਾਬਕ ਨਗਰਪਾਲਿਕਾਵਾਂ ਕਮਿਊਨਿਟੀ ਪੀਸ ਔਫੀਸਰਜ਼ ਨੂੰ ਪੁਲਿਸ ਲੀਡਰਸ਼ਿਪ ਨਾਲ ਮਿਲ ਕੇ ਕੰਮ ਕਰਨ ਦਾ ਹੁਕਮ ਦੇਣ। ਕੈਲਗਰੀ ਦੀ ਮੇਅਰ ਨੇ ਇਸ ਹਫਤੇ ਜਾਣਕਾਰੀ ਦਿੱਤੀ ਸੀ ਕਿ ਸਿਟੀ ਪਹਿਲਾਂ ਤੋਂ ਇਹ ਕੰਮ ਕਰ ਰਹੀ ਹੈ। ਸਿਟੀ ਨੇ 2023 ਵਿਚ ਜਨਤਕ ਆਵਾਜਾਈ ਸੁਰੱਖਿਆ ਰਣਨੀਤੀ ਦੀ ਸ਼ੁਰੂਆਤ ਕੀਤੀ ਸੀ, ਜਿਸ ਵਿਚ ਪੀਸ ਔਫੀਸਰਜ਼, ਟਰਾਂਜ਼ਿਟ ਔਫੀਸਰਜ਼ ਅਤੇ ਪੁਲਿਸ ਸਰਵਿਸ ਮਿਲ ਕੇ ਕੰਮ ਕਰਦੇ ਹਨ।