17.22C Vancouver 17.22C VancouverOct 13, 2023 8:05 PM - The Canadian Press
ਐਲਬਰਟਾ ਦੇ ਵਿੱਤ ਮੰਤਰੀ ਨੇਟ ਹੌਰਨਰ ਦਾ ਕਹਿਣਾ ਹੈ ਕਿ ਜੇ ਸੂਬਾ ਆਪਣੇ ਸਟੈਂਡ-ਅਲੋਨ ਫੰਡ ਨੂੰ ਚਲਾਉਣ ਲਈ ਕੈਨੇਡਾ ਪੈਨਸ਼ਨ ਪਲੈਨ ਨੂੰ ਛੱਡਦਾ ਹੈ ਤਾਂ ਇਹ ਕਿਊਬੈਕ ਦਾ ਮਾਡਲ ਨਹੀਂ ਅਪਣਾਵੇਗਾ।
ਹੌਰਨਰ ਦੇ ਕੁਮੈਂਟਸ ਪ੍ਰੀਮੀਅਰ ਡੈਨੀਅਲ ਸਮਿਥ ਦੇ ਤਿੰਨ ਹਫ਼ਤੇ ਪਹਿਲਾਂ ਦਿੱਤੇ ਬਿਆਨ ਮਗਰੋਂ ਆਇਆ ਹੈ ਜਦੋਂ ਉਨ੍ਹਾਂ ਕਿਹਾ ਸੀ ਕਿ ਸੂਬਾ ਸਰਕਾਰ ਕਿਊਬੈਕ ਮਾਡਲ ਬਾਰੇ ਸੋਚਣ ਤੋਂ ਪਹਿਲਾਂ ਐਲਬਰਟਾ ਵਾਸੀਆਂ ਦੇ ਵਿਚਾਰ ਸੁਣੇਗੀ।
ਹੌਰਨਰ ਕਿਹਾ ਕਿ ਉਹ ਕਿਊਬੈਕ ਮਾਡਲ ਨੂੰ ਅਪਣਾਉਣ ਦੇ ਹੱਕ ਵਿਚ ਨਹੀਂ ਹਨ।
ਉਨ੍ਹਾਂ ਕਿਹਾ ਕਿ ਲੋਕਾਂ ਵਿਚ ਕਿਊਬੈਕ ਮਾਡਲ ਦੀ ਵਰਤੋਂ ਦਾ ਡਰ ਖ਼ਤਮ ਕਰਨ ਲਈ ਇਸ ਫਾਲ ਵਿਚ ਕਾਨੂੰਨ ਪੇਸ਼ ਕੀਤਾ ਜਾਵੇਗਾ, ਉਹਨਾਂ ਕਿਹਾ ਕਿ ਸੂਬਾ ਪੈਨਸ਼ਨ ਦਾ ਪੈਸਾ ਪੈਨਸ਼ਨ ਪਲੈਨ ਲਈ ਹੀ ਇਸਤੇਮਾਲ ਕਰੇਗਾ।
ਜ਼ਿਕਰਯੋਗ ਹੈ ਕਿ ਐਲਬਰਟਾ ਸਰਕਾਰ ਕੈਨੇਡਾ ਪੈਨਸ਼ਨ ਪਲੈਨ ਨੂੰ ਲੈ ਕੇ ਅਗਲੇ ਹਫਤੇ ਤੋਂ ਸੂਬੇ ਦੇ ਲੋਕਾਂ ਨਾਲ ਟੈਲੀਫੋਨ ਟਾਊਨ ਹਾਲ ਕੰਸਲਟੇਸ਼ਨ ਸ਼ੁਰੂ ਕਰਨ ਜਾ ਰਹੀ ਹੈ।
ਇਸ ਦੌਰਾਨ ਸੂਬੇ ਦੇ ਲੋਕਾਂ ਤੋਂ ਰਾਇ ਲਈ ਜਾਵੇਗੀ ਕਿ ਸੂਬੇ ਨੂੰ ਕੈਨੇਡਾ ਪੈਨਸ਼ਨ ਪਲੈਨ ਨੂੰ ਛੱਡਣਾ ਚਾਹੀਦਾ ਹੈ ਜਾਂ ਨਹੀਂ।
ਯੂ. ਸੀ. ਪੀ. ਸਰਕਾਰ ਸੂਬੇ ਦੇ ਪੈਨਸ਼ਨ ਪਲੈਨ ਨੂੰ ਲੈ ਕੇ ਕਾਫ਼ੀ ਉਤਸ਼ਾਹਤ ਹੈ।
