19.75C Vancouver 19.75C VancouverMay 30, 2025 12:24 PM - The Canadian Press
ਐਡਮਿੰਟਨ ਦੇ ਜੇਲ੍ਹ ਔਫੀਸਰਜ਼ ਨੂੰ ਝੂਠੇ ਦਸਤਾਵੇਜ਼ ਦਿਖਾ ਕੇ ਰਿਹਾਅ ਹੋਈ ਔਰਤ ਨੂੰ ਬੀ.ਸੀ.ਤੋਂ ਹਿਰਾਸਤ ਵਿਚ ਲਿਆ ਗਿਆ ਹੈ। ਪੁਲਿਸ ਨੇ ਦੱਸਿਆ ਕਿ ਮੈਕੇਂਜੀ ਡਾਨ ਹਾਰਡੀ ਨੂੰ ਰੇਵਲਸਟੋਕ ਤੋਂ ਫੜਿਆ ਗਿਆ। ਉਸ ਦੇ ਨਾਲ ਉਸ ਦਾ ਸਾਥੀ 27 ਸਾਲਾ ਡੇਵਿਡ ਜੋਸਫ਼ ਵੁੱਡ ਵੀ ਕਾਬੂ ਕੀਤਾ ਗਿਆ, ਜਿਸ ਨੇ ਉਸ ਦੀ ਰਿਹਾਈ ਵਿਚ ਮਦਦ ਕੀਤੀ ਸੀ।
ਜੋਸਫ਼ ਵੁੱਡ 'ਤੇ ਇਕ ਕੈਦੀ ਨੂੰ ਭੱਜਣ ਵਿੱਚ ਸਹਾਇਤਾ ਕਰਨ, ਪਛਾਣ ਦੀ ਧੋਖਾਧੜੀ ਕਰਨ ਅਤੇ ਜਾਅਲੀ ਦਸਤਾਵੇਜ਼ ਪੇਸ਼ ਕਰਨ ਦੇ ਦੋਸ਼ ਲੱਗੇ ਹਨ। ਦੋਹਾਂ ਨੂੰ ਐਲਬਰਟਾ ਲਿਆਂਦਾ ਜਾਵੇਗਾ ਅਤੇ ਅਦਾਲਤ ਵਿਚ ਪੇਸ਼ ਕੀਤਾ ਜਾਵੇਗਾ। 24 ਸਾਲਾ ਹਾਰਡੀ ਨੂੰ ਕੁਝ ਦਿਨ ਪਹਿਲਾਂ ਫੋਰਟ ਸਸਕੈਚਵਨ ਸੁਧਾਰ ਕੇਂਦਰ ਤੋਂ ਰਿਹਾਅ ਕੀਤਾ ਗਿਆ ਸੀ। ਉਸ ਨੂੰ ਪ੍ਰੋਪਰਟੀ ਚੋਰੀ ਕਰਨ, ਬੇਧਿਆਨੀ ਨਾਲ ਡਰਾਈਵ ਕਰਨ, ਬਿਨਾਂ ਰਜਿਸਟ੍ਰੇਸ਼ਨ ਦੇ ਡਰਾਈਵ ਕਰਨ ਅਤੇ ਨਕਲੀ ਦਸਤਾਵੇਜ਼ ਦਿਖਾ ਕੇ ਰਿਹਾਅ ਹੋਣ ਦੇ ਦੋਸ਼ ਵਿਚ ਚਾਰਜ ਕੀਤਾ ਗਿਆ ਹੈ।
