Alberta ਦਾ ਪਹਿਲਾ ਲਿਥੀਅਮ ਪਾਇਲਟ ਪ੍ਰੋਜਕੈਟ ਖੁੱਲ੍ਹਾ, ਨਵੀਆਂ ਜੌਬਸ ਪੈਦਾ ਹੋਣ ਦੀ ਉਮੀਦ

Alberta ਵਿਚ ਸੂਬੇ ਦੇ ਪਹਿਲੇ ਲਿਥੀਅਮ ਐਕਸਟਰੈਕਸ਼ਨ ਪਾਇਲਟ ਪ੍ਰੋਜੈਕਟ ਦੀ ਓਪਨਿੰਗ ਹੋ ਗਈ ਹੈ, ਜਿਸ ਨਾਲ ਇੱਥੇ ਜੌਬਸ ਦੇ ਕਈ ਸਾਰੇ ਮੌਕੇ ਪੈਦੇ ਹੋਣ ਦੀ ਸੰਭਾਵਨਾ ਹੈ। ਇਸ ਓਪਨਿੰਗ ਨਾਲ ਸੂਬਾ ਗਲੋਬਲ ਲਿਥੀਅਮ ਰੇਸ ਵਿਚ ਸ਼ਾਮਲ ਹੋ ਗਿਆ ਹੈ।

Lithium ਇੱਕ ਲਾਈਟ ਮੇਟਲ ਹੈ ਜਿਸ ਦੀ ਮੌਜੂਦਾ ਸਮੇਂ ਵਿਸ਼ਵ ਭਰ ਵਿਚ ਮੰਗ ਵੱਧ ਰਹੀ ਹੈ ਕਿਉਂਕਿ ਇਸ ਦਾ ਇਲੈਕਟ੍ਰਿਕ ਵ੍ਹੀਕਲਸ ਬੈਟਰੀਜ਼ ਵਿਚ ਇਸਤੇਮਾਲ ਹੁੰਦਾ ਹੈ।

ਵਰਤਮਾਨ ਵਿਚ ਵਿਸ਼ਵ ਦੇ ਸਭ ਤੋਂ ਵੱਡੇ ਲਿਥੀਅਮ ਉਤਪਾਦਕ ਆਸਟ੍ਰੇਲੀਆ, ਚਿਲੀ ਅਤੇ ਚੀਨ ਹਨ। ਉਥੇ ਹੀ, ਐਲਬਰਟਾ ਵਿਚ ਇਸ ਮਿਨਰਲ ਦਾ ਵੱਡਾ ਭੰਡਾਰ ਹੈ ਜੋ ਕਿ ਲਿਡਊਕ ਜੀਓਲੌਜੀਕਲ ਫੋਰਮੇਸ਼ਨ ਇਲਾਕੇ ਵਿਚ ਧਰਤੀ ਦੀ ਡੂੰਘਾਈ ਵਿਚ ਸਥਿਤ ਹੈ।

ਇਹ ਇਲਾਕਾ ਪ੍ਰਮੁੱਖ ਤੌਰ 'ਤੇ ਔਇਲ ਅਤੇ ਗੈਸ ਉਤਪਾਦਕ ਏਰੀਆ ਵੀ ਹੈ।

E3 Lithium ਕੰਪਨੀ ਨੇ ਸੈਂਟਰਲ ਐਲਬਰਟਾ ਦੇ Olds ਇਲਾਕੇ ਨੇੜੇ ਆਪਣਾ ਲਿਥੀਅਮ ਪਲਾਂਟ ਸਥਾਪਤ ਕੀਤਾ ਹੈ। ਕੰਪਨੀ ਦੇ ਸੀ. ਈ. ਓ.ਕ੍ਰਿਸ ਡੋਰਨਬੋਸ ਨੇ ਕਿਹਾ ਕਿ ਇਹ ਸੂਬੇ ਦੀ ਰਿਵਾਇਤੀ ਤੇਲ ਅਤੇ ਗੈਸ ਆਰਥਿਕਤਾ ਵਿਚ ਨਵੇਂ ਯੁੱਗ ਦੀ ਸ਼ੁਰੂਆਤ ਹੈ।

ਉਹਨਾਂ ਕਿਹਾ ਕਿ ਲਿਥੀਅਮ ਉਤਪਾਦਕਾਂ ਵਿਚ ਐਲਬਰਟਾ ਲਈ ਇਹ ਇੱਕ ਗਲੋਬਲ ਲੀਡਰ ਬਣਨ ਦਾ ਮੌਕਾ ਹੈ।

ਕੰਪਨੀ ਦਾ ਕਹਿਣਾ ਹੈ ਕਿ ਉਸ ਦੀ ਯੋਜਨਾ ਦਸੰਬਰ 2026 ਤੱਕ ਪੂਰਣ ਵਪਾਰਕ ਪਲਾਂਟ ਖੋਲ੍ਹਣ ਦੀ ਹੈ। ਇਹ ਪਲਾਂਟ ਸਾਲ ਵਿਚ 150,000 ਟਨ ਬੈਟਰੀ ਗ੍ਰੇਡ ਲਿਥੀਅਮ ਪ੍ਰੋਡਕਟ ਪ੍ਰੋਸੈਸ ਕਰ ਸਕਦਾ ਹੈ ਜਿਸ ਨੂੰ ਬੈਟਰੀ ਪ੍ਰੋਡਿਊਸਰਸ ਅਤੇ ਈ. ਵੀ. ਕੰਪਨੀਜ਼ ਨੂੰ ਸਿੱਧੇ ਵੇਚਿਆ ਜਾ ਸਕਦਾ ਹੈ।