14.42C Vancouver 14.42C VancouverSep 11, 2023 8:22 PM - CONNECT NEWS
Alberta ਦੀ ਵਿਰੋਧੀ ਧਿਰ ਐੱਨ. ਡੀ. ਪੀ. ਨੇ 2023-24 ਦੇ ਸਕੂਲ ਸਾਲ ਵਿਚ ਸੂਬੇ ਭਰ ਦੇ ਕਲਾਸਾਂ ਦੇ ਸਾਈਜ਼ ਦੀ ਸਪੱਸ਼ਟ ਤਸਵੀਰ ਪ੍ਰਾਪਤ ਕਰਨ ਲਈ ਇੱਕ ਸਰਵੇ ਸ਼ੁਰੂ ਕੀਤਾ ਹੈ।
NDP ਦੀ education critic ਰਾਖੀ ਪੰਚੋਲੀ ਨੇ ਕਿਹਾ ਕਿ ਯੂ. ਸੀ. ਪੀ. ਸਰਕਾਰ ਪਿਛਲੇ 4 ਸਾਲਾਂ ਤੋਂ ਕਲਾਂਸ ਦੇ ਸਾਈਜ਼ ਬਾਰੇ ਰਿਪੋਰਟ ਨਹੀਂ ਦੇ ਰਹੀ ਅਤੇ ਸਾਨੂੰ ਪਤਾ ਲੱਗਾ ਹੈ ਕਿ ਸੂਬੇ ਦੇ ਕੁਝ ਕਲਾਸ ਰੂਮਾਂ ਵਿਚ ਇਸ ਸਕੂਲ ਸਾਲ ਵਿਚ 30 ਤੋਂ 35 ਸਟੂਡੈਂਟਸ ਹੋ ਗਏ ਹਨ।
Edmonton-Whitemud ਤੋਂ MLA ਰਾਖੀ ਪੰਚੋਲੀ ਨੇ ਕਿਹਾ ਕਿ ਐੱਨ. ਡੀ. ਪੀ. ਚਾਹੁੰਦੀ ਹੈ ਕਿ ਸਮਿਥ ਸਰਕਾਰ ਸੂਬੇ ਵਿਚ ਹੋਰ ਸਕੂਲਸ ਖੋਲ੍ਹੇ, ਨਵੇਂ ਟੀਚਰਜ਼ ਰੱਖੇ ਨਾਲ ਐਜ਼ੂਕੇਸ਼ਨ ਅਸਿਸਟੈਂਸ ਦੀ ਗਿਣਤੀ ਵਧਾਈ ਜਾਵੇ ਅਤੇ ਫੰਡਿੰਗ ਵਿਚ ਵਾਧਾ ਕੀਤਾ ਜਾਵੇ।
ਉਥੇ ਹੀ ਸੂਬੇ ਦੇ Education Minister ਡਿਮੇਟ੍ਰੀਓਸ ਨਿਕੋਲਾਈਡਸ ਦਾ ਕਹਿਣਾ ਕਿ ਸਰਕਾਰ ਵਲੋਂ 3,000 ਟੀਚਰਜ਼ ਅਤੇ ਐਜੂਕੇਸ਼ਨ ਸਟਾਫ ਨੂੰ ਭਰਤੀ ਕਰਨ ਲਈ 820 ਮਿਲੀਅਨ ਡਾਲਰ ਸਮੇਤ ਅਗਲੇ ਤਿੰਨ ਸਾਲਾਂ ਵਿਚ 2 ਬਿਲੀਅਨ ਡਾਲਰ ਖ਼ਰਚ ਕੀਤੇ ਜਾ ਰਹੇ ਹਨ।
ਉਹਨਾਂ ਕਿਹਾ ਕਿ ਸੂਬੇ ਵਿਚ 58 ਸਕੂਲ ਪ੍ਰੋਜੈਕਟਸ ਦੀ ਮਨਜ਼ੂਰੀ ਦਿੱਤੀ ਗਈ ਹੈ ਅਤੇ ਹੋਰ ਸਕੂਲਸ ਲਈ ਵੀ ਕੰਮ ਕੀਤਾ ਜਾ ਰਿਹਾ ਹੈ।
