18.83C Vancouver 18.83C VancouverSep 12, 2025 12:49 PM - The Canadian Press
ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨਾਲ ਆਪਣੀ ਮੁਲਾਕਾਤ ਨੂੰ ਸਕਾਰਾਤਮਕ ਦੱਸਿਆ ਹੈ। ਉਨ੍ਹਾਂ ਕਿਹਾ ਕਿ ਇਹ ਮੁਲਾਕਾਤ ਬੜੇ ਵਧੀਆ ਮਾਹੌਲ ਵਿੱਚ ਹੋਈ। ਸਮਿਥ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨੇ ਪਰੰਪਰਾਗਤ ਅਤੇ ਨਵੀਂ ਊਰਜਾ ਦੋਹਾਂ ਦਾ ਸਮਰਥਨ ਕਰਨ ਦੀ ਗੱਲ ਕੀਤੀ ਹੈ। ਕੈਲਗਰੀ ਵਿਚ ਮੁੱਖ ਪ੍ਰੋਜੈਕਟ ਦਫ਼ਤਰ ਨੂੰ ਸਥਾਪਿਤ ਕਰਨਾ ਦਿਖਾਉਂਦਾ ਹੈ ਕਿ ਸੂਬੇ ਦੇ ਕੁਝ ਪ੍ਰੋਜੈਕਟਾਂ ਨੂੰ ਆਉਂਦੇ ਮਹੀਨਿਆਂ ਵਿਚ ਫੈਡਰਲ ਫਾਸਟ ਅਪਰੂਵਲ ਲਿਸਟ ਵਿਚ ਸ਼ਾਮਲ ਕੀਤਾ ਜਾਵੇਗਾ।
ਬੀਤੇ ਕੱਲ੍ਹ ਪ੍ਰਧਾਨ ਮੰਤਰੀ ਨੇ 5 ਪ੍ਰੋਜੈਕਟਾਂ ਦੀ ਪਹਿਲੀ ਸੂਚੀ ਦਾ ਐਲਾਨ ਕੀਤਾ ਸੀ,ਹਾਲਾਂਕਿ ਇਸ ਵਿਚ ਐਲਬਰਟਾ ਦਾ ਨਾਮ ਨਹੀਂ ਹੈ ਪਰ ਸਮਿਥ ਨੇ ਕਿਹਾ ਕਿ ਟਰੂਡੋ ਯੁੱਗ ਨਾਲੋਂ ਫੈਡਰਲ ਸਰਕਾਰ ਵਿਚ ਬਦਲਾਅ ਆਇਆ ਹੈ। ਗੌਰਤਲਬ ਹੈ ਕਿ ਪ੍ਰੀਮੀਅਰ ਸਮਿਥ ਦੀ ਐਲਬਰਟਾ ਦੇ ਤੇਲ ਨਿਰਯਾਤ ਲਈ ਨਵੀਂ ਪਾਈਪਲਾਈਨ ਅਤੇ ਗ੍ਰੀਨ ਹਾਉਸ ਗੈਸ ਦੇ ਨਿਕਾਸ ਕੈਪ ਨੂੰ ਹਟਾਉਣ ਦੀ ਮੰਗ ਰਹੀ ਹੈ।
ਹਾਲਾਂਕਿ ਦੱਸਿਆ ਜਾਂਦਾ ਹੈ ਕਿ ਹੁਣ ਤੱਕ ਕੋਈ ਪ੍ਰਾਈਵੇਟ ਕੰਪਨੀ ਪਾਈਪਲਾਈਨ ਨੂੰ ਡਿਵੈਲਪ ਕਰਨ ਲਈ ਅੱਗੇ ਨਹੀਂ ਆਈ। ਪ੍ਰਧਾਨ ਮੰਤਰੀ ਦਾ ਕਹਿਣਾ ਹੈ ਕਿ ਅਗਲੀ ਸੂਚੀ ਦਾ ਐਲਾਨ ਗ੍ਰੇਅ ਕੱਪ ਲਈ ਵਿਨੀਪੈੱਗ ਜਾਣ ਤੋਂ ਠੀਕ ਪਹਿਲਾਂ ਕੀਤਾ ਜਾ ਸਕਦਾ ਹੈ।
