20.97C Vancouver 20.97C VancouverJul 14, 2025 12:31 PM - The Canadian Press
ਐਲਬਰਟਾ ਇਸ ਪਤਝੜ ਤੋਂ ਟਰਾਂਸਜੈਂਡਰ ਐਥਲੀਟ ਨੂੰ ਮਹਿਲਾਵਾਂ ਨਾਲ ਜੁੜੀਆਂ ਖੇਡਾਂ ਵਿਚ ਸ਼ਾਮਲ ਹੋਣ ਤੋਂ ਰੋਕਣ ਲਈ ਨਵੇਂ ਨਿਯਮ ਲਾਗੂ ਕਰ ਰਿਹਾ ਹੈ।
ਇਸ ਤਹਿਤ 1 ਸਤੰਬਰ ਤੋਂ ਐਲਬਰਟਾ ਦੇ 12 ਸਾਲ ਅਤੇ ਇਸ ਤੋਂ ਵੱਧ ਉਮਰ ਦੇ ਟਰਾਂਸਜੈਂਡਰ ਐਥਲੀਟ ਨੂੰ ਮਹਿਲਾਵਾਂ ਦੀਆਂ ਖੇਡਾਂ ਵਿਚ ਹਿੱਸਾ ਲੈਣ ਦੀ ਇਜਾਜ਼ਤ ਨਹੀਂ ਹੋਵੇਗੀ। ਇਹ ਪ੍ਰੀਮੀਅਰ ਡੈਨੀਅਲ ਸਮਿਥ ਦੀ ਯੂਨਾਈਟਿਡ ਕੰਜ਼ਰਵੇਟਿਵ ਪਾਰਟੀ ਸਰਕਾਰ ਵਲੋਂ ਪਿਛਲੇ ਸਾਲ ਟਰਾਂਸਜੈਂਡਰ, ਸਿਹਤ, ਸਿੱਖਿਆ ਅਤੇ ਖੇਡ ਨਾਲ ਸਬੰਧਤ ਕੀਤੇ ਗਏ ਕਈ ਬਦਲਾਵਾਂ ਵਿਚੋਂ ਇੱਕ ਹੈ।
ਹਾਲਾਂਕਿ, ਐਲਬਰਟਾ ਅਜੇ ਵੀ ਸੂਬੇ ਤੋਂ ਬਾਹਰ ਦੇ ਟਰਾਂਸਜੈਂਡਰ ਐਥਲੀਟ ਦਾ ਸਵਾਗਤ ਕਰੇਗਾ। ਸੂਬੇ ਦੇ ਸੈਰ ਸਪਾਟਾ ਤੇ ਖੇਡ ਮੰਤਰੀ ਐਂਡਰਿਊ ਬੋਇਚੇਂਕੋ ਨੇ ਇਸ ਦੀ ਸਫਾਈ ਵਿਚ ਕਿਹਾ ਕਿ ਸਾਡੇ ਕੋਲ ਹੋਰ ਐਲਬਰਟਾ ਤੋਂ ਬਾਹਰ ਦੇ ਖਿਡਾਰੀਆਂ ਨੂੰ ਨਿਯਮਤ ਕਰਨ ਦਾ ਅਧਿਕਾਰ ਨਹੀਂ ਹੈ।
ਉਥੇ ਹੀ, ਪ੍ਰੀਮੀਅਰ ਸਮਿਥ ਅਤੇ ਉਹਨਾਂ ਦੇ ਸਮਰਥਕਾਂ ਨੇ ਨਿਯਮ ਦਾ ਸਵਾਗਤ ਕੀਤਾ ਹੈ, ਜਦੋਂ ਕਿ ਵਿਰੋਧੀਆਂ ਨੇ ਇਸ ਨੂੰ ਟਰਾਂਸਜੈਂਡਰ ਭਾਈਚਾਰੇ ਦੇ ਖਿਲਾਫ ਦੱਸਿਆ ਹੈ।
