15.73C Vancouver 15.73C VancouverMay 3, 2022 7:10 PM - The Canadian Press
ਬੀ.ਸੀ. 'ਚ ਐਮਰਜੈਂਸੀ ਐਲਰਟਸ ਨੂੰ ਵਰਤੋਂ 'ਚ ਆਉਣ ਵਾਲੇ ਦਾਇਰੇ ਨੂੰ ਵਧਾਇਆ ਜਾ ਰਿਹਾ ਹੈ।
ਸੂਬੇ 'ਚ ਵਾਇਰਲੈਸ ਐਮਰਜੈਂਸੀ ਐਲਰਟਸ ਵਿੱਚ ਹੁਣ ਹੜ੍ਹਾਂ ਅਤੇ ਵਾਈਲਡਫਾਇਰਸ ਦੇ ਖਤਰੇ ਨੂੰ ਵੀ ਸ਼ਾਮਿਲ ਕੀਤਾ ਜਾਵੇਗਾ।
ਇਸ ਸੰਬੰਧੀ ਐਲਾਨ ਅੱਜ ਪਬਲਿਕ ਸੇਫਟੀ ਮੰਤਰੀ ਨੇ ਕੀਤਾ।
ਮਾਈਕ ਫਾਰਨਵਰਥ ਨੇ ਇਸ ਸੰਬੰਧੀ ਜਾਣਕਾਰੀ ਹੜ੍ਹਾਂ ਅਤੇ ਵਾਈਲਡਫਾਇਰਸ ਦੀ ਰੁੱਤ ਦੀ ਦਸਤਕ ਸੰਬੰਧੀ ਗੱਲਬਾਤ ਦੌਰਾਨ ਦਿੱਤੀ।
ਉਨ੍ਹਾਂ ਕਿਹਾ ਕਿ ਸੂਬਾ ਕਲਾਈਮੇਟ ਚੇਂਜ ਦੇ ਅਜਿਹੇ ਖਤਰੇ ਦਾ ਸਾਹਮਣਾ ਕਰ ਰਿਹਾ ਹੈ ਜੋ ਇਸ ਨੇ ਪਹਿਲਾਂ ਕਦੀ ਨਹੀਂ ਕੀਤਾ।
ਉਨ੍ਹਾਂ ਕਿਹਾ ਕਿ ਇਸੇ ਕਾਰਨ ਆਪਣੀ ਕਮਿਊਨਿਟੀਸ ਨੂੰ ਸੁਰੱਖਿਅਤ ਰੱਖਣ ਲਈ ਵਧੇਰੇ ਕਦਮ ਚੁੱਕਣ ਦੀ ਲੋੜ ਹੈ।
ਇਹ ਨੋਟੀਫਿਕੇਸ਼ ਐਲਰਟ ਰੈਡੀ ਜਰੀਏ ਦਿੱਤੇ ਜਾਣਗੇ। ਇਹ ਰਾਸ਼ਟਰੀ ਸਿਸਟਮ ਹੈ ਜੋ ਕਿ ਐਮਰਜੈਂਸੀ ਜਿਹੇ ਮੌਕਿਆਂ 'ਤੇ ਵਰਤਿਆ ਜਾਂਦਾ ਹੈ।
ਹਾਲ ਦੀ ਘੜੀ ਬੀ.ਸੀ. 'ਚ ਇਸ ਦੀ ਵਰਤੋਂ ਸੁਨਾਮੀ ਸੰਬੰਧੀ ਚੇਤਾਵਨੀ ਅਤੇ ਐਂਬਰ ਐਲਰਟ ਲਈ ਕੀਤੀ ਜਾਂਦੀ ਹੈ।
