9.74C Vancouver 9.74C VancouverNov 24, 2021 11:11 PM - The Canadian Press
ਅਮਰੀਕਾ 'ਚ ਜਾਰੀ 25 ਸਾਲਾ ਅਹਮਦ ਆਰਬਰੀ ਦੇ ਕਤਲ ਦੇ ਕੇਸ 'ਚ ਫੈਸਲਾ ਸੁਣਾਇਆ ਗਿਆ ਹੈ।
ਇਸ ਮਾਮਲੇ 'ਚ ਜਿਊਰੀ ਨੇ ਜੌਰਜੀਆ ਦੇ 3 ਲੋਕਾਂ ਨੂੰ ਕਤਲ ਦਾ ਦੋਸ਼ੀ ਪਾਇਆ ਹੈ।
ਆਰਬਰੀ ਦਾ ਸਾਲ 2020 'ਚ ਗੋਲੀ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ।
ਉਹ ਸਿਆਹ ਰੰਗ ਦਾ ਵਿਅਕਤੀ ਸੀ ਜਿਸ ਦਾ 3 ਲੋਕਾਂ ਨੇ ਪਿੱਛਾ ਕਰ ਉਸ ਨੂੰ ਗੋਲੀ ਮਾਰ ਦਿੱਤੀ ਸੀ।
ਇਸ ਮਾਮਲੇ 'ਚ ਟ੍ਰੇਵਿਸ ਮੈਕਮਾਈਕਲ ਨੂੰ ਕਤਲ ਲਈ ਦੋਸ਼ੀ ਪਾਇਆ ਗਿਆ ਹੈ।
ਇਸੇ ਤਰ੍ਹਾਂ ਉਸ ਦੇ ਪਿਤਾ ਗ੍ਰੈਗ ਮੈਕਮਾਈਕਲ ਨੂੰ ਵੀ ਕਤਲ ਲਈ ਦੋਸ਼ੀ ਪਾਇਆ ਗਿਆ ਹੈ।
ਇਨ੍ਹਾਂ ਦੇ ਗੁਆਂਢੀ ਵਿਲੀਅਮ ਆਰ. ਬ੍ਰਾਇਨ ਨੂੰ ਵੀ ਫੈਲਨੀ ਮਰਡਰ ਲਈ ਦੋਸ਼ੀ ਕਰਾਰ ਦਿੱਤਾ ਗਿਆ ਹੈ।
ਫੈਸਲਾ ਸੁਣਾਏ ਜਾਣ ਮੌਕੇ ਕੋਰਟ 'ਚ ਬੈਠੇ ਇੱਕ ਵਿਅਕਤੀ ਨੇ ਟ੍ਰੇਵਿਸ ਮੈਕਮਾਈਕਲ ਨੂੰ ਦੋਸ਼ੀ ਠਿਹਰਾਏ ਜਾਣ 'ਤੇ ਕੋਰਟ 'ਚ ਚੀਕ ਮਾਰ ਕੇ ਖੁਸ਼ੀ ਜਾਹਿਰ ਕੀਤੀ ਪਰ ਜੱਜ ਨੇ ਉਸ ਨੂੰ ਕੋਰਟ ਰੂਮ ਤੋਂ ਬਾਹਰ ਜਾਣ ਲਈ ਆਖਿਆ ਅਤੇ ਅਦਾਲਤ 'ਚ ਅਨੁਸ਼ਾਸਨ ਬਣਾ ਕੇ ਰੱਖਣ ਦੇ ਹੁਕਮ ਦਿੱਤੇ।
