21.09C Vancouver 21.09C VancouverSep 25, 2025 2:02 PM - The Canadian Press
ਕੈਨੇਡਾ ਸਰਕਾਰ ਨੇ ਪਿਛਲੇ ਫਿਸਕਲ ਸਾਲ ਵਿਚ ਉਸ ਨਾਲ ਕੰਮ ਕਰਨ ਵਾਲੇ ਲਗਭਗ 2,000 ਵਿਦਿਆਰਥੀ ਕਰਮਚਾਰੀ ਘਟਾਏ ਹਨ, ਕੈਨੇਡਾ ਦੇ ਖਜ਼ਾਨਾ ਬੋਰਡ ਸਕੱਤਰੇਤ ਦੇ ਅੰਕੜਿਆਂ ਤੋਂ ਪਤਾ ਚੱਲਦਾ ਹੈ ਕਿ ਮਾਰਚ 2024 ਦੇ ਅੰਤ ਤੱਕ 9,120 ਵਿਦਿਆਰਥੀ ਫੈਡਰਲ ਪਬਲਿਕ ਸਰਵਿਸ ਵਿਚ ਨੌਕਰੀ ਕਰਦੇ ਸਨ, ਜਦੋਂ ਕਿ ਮਾਰਚ 2025 ਵਿਚ ਇਹ ਗਿਣਤੀ ਕਰੀਬ 20 ਫੀਸਦੀ ਘੱਟ ਕੇ 7,370 ਰਹਿ ਗਈ। ਵਿਦਿਆਰਥੀ ਰੁਜ਼ਗਾਰ ਵਿਚ ਸਭ ਤੋਂ ਵੱਡੀ ਕਟੌਤੀ ਕੈਨੇਡਾ ਰੈਵੇਨਿਊ ਏਜੰਸੀ ਵਿਚ ਹੋਈ ਹੈ, ਜਿਸ ਦੀ ਸਟੂਡੈਂਟ ਵਰਕਫੋਰਸ ਮਾਰਚ 2024 ਵਿਚ 1,356 ਸੀ ਜੋ ਮਾਰਚ 2025 ਵਿਚ ਮਹਿਜ 268 ਰਹਿ ਗਈ।
ਸੀ.ਆਰ.ਏ.ਦੇ ਇੱਕ ਬੁਲਾਰੇ ਏਟੀਨ ਬਿਰਮ ਦਾ ਇੱਕ ਬਿਆਨ ਵਿਚ ਕਹਿਣਾ ਸੀ ਕਿ ਇਸ ਕਮੀ ਦਾ ਕਾਰਨ ਡਿਪਾਰਟਮੈਂਟ ਵੱਲੋਂ ਵਿੱਤੀ ਹਕੀਕਤ ਅਨੁਸਾਰ ਚੱਲਣ ਨੂੰ ਮੰਨਿਆ ਜਾ ਸਕਦਾ ਹੈ। ਇਸ ਸਾਲ ਮਾਰਚ ਵਿਚ ਫੈਡਰਲ ਪਬਲਿਕ ਸਰਵਿਸ ਵਿਚ ਨੌਕਰੀ ਕਰਨ ਵਾਲੇ ਵਿਦਿਆਰਥੀਆਂ ਦੀ ਗਿਣਤੀ 2017 ਤੋਂ ਬਾਅਦ ਸਭ ਤੋਂ ਘੱਟ ਪੱਧਰ 'ਤੇ ਦਰਜ ਕੀਤੀ ਗਈ ਹੈ। ਇਹ ਉਦੋਂ ਹੈ ਜਦੋਂ ਵਿੱਤ ਮੰਤਰੀ ਫ੍ਰਾਂਸੋਆ ਫਿਲਿਪ ਸ਼ੈਂਪੇਨ ਨੇ ਸੰਕੇਤ ਦਿੱਤਾ ਹੈ ਕਿ ਆਉਣ ਵਾਲੇ ਬਜਟ ਵਿਚ ਕਾਰਜਸ਼ੀਲ ਖਰਚਿਆਂ ਨੂੰ ਘਟਾਉਣ ਦੀ ਕੋਸ਼ਿਸ਼ ਤਹਿਤ ਸਰਕਾਰੀ ਮਹਕਿਮਿਆਂ ਵਿਚ ਹੋਰ ਵਿਵਸਥਾਵਾਂ ਹੋ ਸਕਦੀਆਂ ਹਨ।
