24.68C Vancouver 24.68C VancouverOct 17, 2022 10:33 PM - The Canadian Press
ਬੀ.ਸੀ. ਨੂੰ ਇਸ ਵੀਕਐਂਡ ਦੌਰਾਨ 162 ਨਵੇਂ ਮੇਅਰ ਮਿਲ ਗਏ ਹਨ।
ਸ਼ਨੀਵਾਰ ਦੀਆਂ ਮਿਊਨਿਸਿਪਲ ਚੋਣਾਂ 'ਚ ਜਿੱਤਣ ਵਾਲੇ ਕਰੀਬ ਅੱਧੇ ਮੇਅਰ ਪਹਿਲੀ ਵਾਰ ਮੇਅਰ ਦੀ ਭੂਮਿਕਾ 'ਚ ਆਏ ਹਨ।
ਹਾਲਾਂਕਿ ਕਈ ਜੇਤੂਆਂ ਦੇ ਲੰਮੇ ਰਾਜਨੀਤਕ ਤਜੁਰਬੇ ਰਹੇ ਹਨ। ਕੈਸ਼ ਕਰੀਕ ਤੋਂ ਜੌਨ ਰੈਂਟਾ, ਪ੍ਰਿੰਸ ਰੂਪਰਟ ਤੋਂ ਹਰਬ ਪੌਂਡ ਅਤੇ ਵੈਸਟ ਵੈਨਕੂਵਰ 'ਚ ਮਾਰਕ ਸੇਗਰ ਮੇਅਰ ਬਣਨ ਜਾ ਰਹੇ ਹਨ।
ਇਨ੍ਹਾਂ ਤਿੰਨਾਂ ਨੇ ਪਹਿਲਾਂ ਵੀ ਆਪਣੀਆਂ ਕਮਿਊਨਿਟੀਸ ਵਿੱਚ ਮੇਅਰ ਦੀ ਭੂਮਿਕਾ ਨਿਭਾਈ ਹੈ।
ਇਸੇ ਤਰ੍ਹਾਂ ਵਿਕਟੋਰੀਆ 'ਚ ਮੈਰੀਅਨ ਔਲਟੋ ਦਾ ਕਈ ਸਾਲਾਂ ਦਾ ਕਾਉਂਸਲਰ ਦੇ ਤੌਰ 'ਤੇ ਤਜੁਰਬਾ ਰਿਹਾ ਸੀ ਅਤੇ ਹੁਣ ਉਹ ਮੇਅਰ ਦੀ ਜਿੰਮੇਵਾਰੀ ਸੰਭਾਲਣਗੇ।
ਉੱਧਰ ਵੈਨਕੂਵਰ 'ਚ ਕੈਨ ਸਿਮ ਚੀਨੀ ਮੂਲ ਦੇ ਮੇਅਰ ਬਣਨ ਵਾਲੇ ਪਹਿਲੇ ਵਿਅਕਤੀ ਬਣ ਗਏ ਹਨ ਜਦਕਿ ਪ੍ਰਿੰਸ ਜੌਰਜ ਵਿੱਚ ਵੀ ਸਾਈਮਨ ਵੂ ਨੇ ਜਿੱਤ ਦਰਜ ਕੀਤੀ ਹੈ ਅਤੇ ਉਹ ਵੀ ਇਲਾਕੇ 'ਚ ਮੇਅਰ ਬਣਨ ਵਾਲੇ ਪਹਿਲੇ ਚੀਨੀ ਮੂਲ ਦੇ ਵਿਅਕਤੀ ਹੋਣਗੇ।
ਰਿਚਮੰਡ 'ਚ ਬੀ.ਸੀ. ਦੇ ਸਾਬਕਾ ਸੌਲੀਸਿਟਰ ਜਨਰਲ ਕੈਸ਼ ਹੀਡ ਨੇ ਕਾਉਂਸਿਲ ਸੀਟ ਜਿੱਤੀ ਹੈ।
