11.57C Vancouver 11.57C VancouverNov 3, 2022 12:29 AM - The Canadian Press
ਰਿਚਮੰਡ ਦੇ ਓਲੰਪਿਕ ਓਵਲ 'ਚ ਬਰਨਬੀ ਆਰ.ਸੀ.ਐਮ.ਪੀ. ਦੀ ਕਾਂਸਟੇਬਲ ਸ਼ੈਲੀਨ ਯੈਂਗ ਦਾ ਰੈਜੀਮੈਂਟਲ ਫਿਊਨਰਲ ਹੋਇਆ।
ਅੱਜ ਸਵੇਰ ਕਰੀਬ 10 ਵਜੇ ਆਰ.ਸੀ.ਐਮ.ਪੀ. ਦੇ ਮੈਂਬਰਾਂ ਨੇ ਪ੍ਰੋਸੈਸ਼ਨ ਅਰੰਭਿਆ।
ਵਰਦੀਆਂ 'ਚ ਕਰੀਬ 2,000 ਮੈਂਬਰਾਂ ਨੇ ਪ੍ਰੋਸੈਸ਼ਨ 'ਚ ਹਿੱਸਾ ਲਿਆ।
ਕਾਂਸਟੇਬਲ ਯੈਂਗ ਦੇ ਰੈਜੀਮੈਂਟਲ ਫਿਊਨਰਲ 'ਚ ਕੈਨੇਡਾ ਭਰ ਦੀਆਂ ਪੁਲਿਸ ਏਜੈਂਸੀਆਂ ਤੋਂ ਇਲਾਵਾ ਅਮਰੀਕਾ ਦੀਆਂ ਏਜੈਂਸੀਆਂ ਦੇ ਮੈਂਬਰ ਵੀ ਸ਼ਾਮਿਲ ਹੋਏ ਹਨ।
ਫਿਊਨਰਲ 'ਚ ਸਰੀ ਦੀ ਮੇਅਰ ਇਲੈਕਟ ਬ੍ਰੈਂਡਾ ਲੌਕ ਸਮੇਤ ਇਲਾਕੇ ਦੇ ਕਈ ਸਿਆਸਤਦਾਨ ਵੀ ਪਹੁੰਚੇ ਹਨ।
ਹਜ਼ਾਰਾਂ ਦੀ ਗਿਣਤੀ 'ਚ ਇਲਾਕੇ ਦੇ ਲੋਕ ਪ੍ਰੋਸੈਸ਼ਨ ਨੂੰ ਵੇਖਣ ਅਤੇ ਕਾਂਸਟੇਬਲ ਯੈਂਗ ਨੂੰ ਯਾਦ ਕਰਨ ਲਈ ਸੜਕਾਂ ਕਿਨਾਰੇ ਖੜੇ ਵਿਖਾਈ ਦਿੱਤੇ।
ਕੁਝ ਲੋਕਾਂ ਦੀਆਂ ਅੱਖਾਂ ਨਮ ਵੀ ਸਨ। ਕਾਂਸਟੇਬਲ ਯੈਂਗ ਦਾ ਫਿਊਨਰਲ ਪਬਲਿਕ ਲਈ ਓਪਨ ਨਹੀਂ ਹੈ ਅਤੇ ਸੀਟਿੰਗ ਨੂੰ ਪਰਿਵਾਰ, ਇਨਵਾਈਟਿਡ ਗੈਸਟਸ, ਅਧਿਕਾਰੀਆਂ ਅਤੇ ਯੂਨੀਫਾਰਮਡ ਮੈਂਬਰਾਂ ਲਈ ਸੀਮਤ ਰੱਖਿਆ ਗਿਆ ਹੈ।
ਕਾਂਸਟੇਬਲ ਯੈਂਗ ਦੀ ਉਮਰ ਸਿਰਫ 31 ਸਾਲ ਸੀ।
ਉਹ ਰਿਚਮੰਡ ਦੀ ਰਹਿਣ ਵਾਲੀ ਸਨ। 18 ਅਕਤੂਬਰ ਮੰਗਲਵਾਰ ਨੂੰ ਬਰਨਬੀ 'ਚ ਇੱਕ ਬਾਈਲਾਅ ਅਫ਼ਸਰ ਦੀ ਅਸਿਸਟੈਂਸ ਕਾਲ 'ਤੇ 31 ਸਾਲਾ ਕਾਂਸਟੇਬਲ ਯੈਂਗ ਨੇ ਬਰੌਡਵਿਉ ਪਾਰਕ ਦੇ ਇਲਾਕੇ ਵਿੱਚ ਪਹੁੰਚ ਕੀਤੀ ਸੀ ਜਿੱਥੇ ਇੱਕ ਤਕਰਾਰ ਤੋਂ ਬਾਅਦ ਇੱਕ ਵਿਅਕਤੀ ਨੇ ਚਾਕੂ ਨਾਲ ਹਮਲਾ ਕਰ ਦਿੱਤਾ ਸੀ।
ਇਸੇ ਦੌਰਾਨ ਉਨ੍ਹਾਂ ਦੀ ਜਾਨ ਚਲੀ ਗਈ ਸੀ।
ਇਸ ਮਾਮਲੇ 'ਚ ਇੱਕ 37 ਸਾਲਾ ਆਦਮੀ 'ਤੇ ਦੋਸ਼ ਲੱਗੇ ਹਨ।
ਅੱਜ ਫਿਊਨਰਲ ਮੌਕੇ ਕਾਂਸਟੇਬਲ ਡੈਸਟੀਨੀ ਸਾਈਮੰਡਸ ਨੇ ਨੈਸ਼ਨਲ ਐਂਥਮ ਦਾ ਗਾਣ ਕੀਤਾ।
ਇਸ ਦੇ ਨਾਲ ਹੀ ਆਰ.ਸੀ.ਐਮ.ਪੀ. ਈ ਡਿਵੀਜਨ ਪਾਈਪਸ ਐਂਡ ਬੈਂਡ ਆਸਰੇ ਕਾਂਸਟੇਬਲ ਯੈਂਗ ਨੂੰ ਸਨਮਾਨ ਪੇਸ਼ ਕੀਤਾ ਗਿਆ।
ਅੱਜ ਕਾਂਸਟੇਬਲ ਸ਼ੈਲੀਨ ਯੈਂਗ ਨੂੰ ਯਾਦ ਕਰਦੇ ਹੋਏ ਉਨ੍ਹਾਂ ਦੇ ਪਰਿਵਾਰਿਕ ਦੋਸਤ ਜੇਮੀ ਸਿੰਪਸਨ ਨੇ ਯਾਦ ਕੀਤਾ ਕਿ ਕਿਵੇਂ ਉਨ੍ਹਾਂ ਦੀ ਕਾਂਸਟੇਬਲ ਯੈਂਗ ਅਤੇ ਉਨ੍ਹਾਂ ਦੇ ਪਾਰਟਨਰ ਨਾਲ ਮੁਲਾਕਾਤ ਹੋਈ ਸੀ। ਉਨ੍ਹਾਂ ਕਿਹਾ ਕਿ ਸ਼ੈਲੀਨ ਯੈਂਗ ਅਸੂਲਾਂ ਵਾਲੀ ਅਫ਼ਸਰ ਸੀ।
ਉਨ੍ਹਾਂ ਕਿਹਾ ਕਿ ਕਾਂਸਟੇਬਲ ਯੈਂਗ ਦੀ ਨਿਵੇਕਲੀ ਖੂਬੀ ਸੀ ਕਿ ਜਿਹੜੀ ਜਗ੍ਹਾ ਜਾਂਦੀ ਸੀ ਉੱਥੇ ਪਾਜਿਟਿਵਿਟੀ ਖਿਲਾਰਦੀ ਸੀ ਅਤੇ ਉਸ ਦੀ ਆਦਤ ਸੀ ਕਿ ਬੋਲਿਆ ਘਟ ਜਾਵੇ ਅਤੇ ਲੋਕਾਂ ਦੀ ਵਧੇਰੇ ਸੁਣੀ ਜਾਵੇ।
ਉਨ੍ਹਾਂ ਕਿਹਾ ਕਿ ਕਾਂਸਟੇਬਲ ਯੈਂਗ ਨੂੰ ਬਾਰਿਸ਼ ਪਸੰਦ ਸੀ ਅਤੇ ਉਹ ਇੱਕ ਚੰਗੀ ਬਾਸਕਿਟਬਾਲ ਖਿਡਾਰਨ ਅਤੇ ਜੁ-ਜਿਤਸੁ ਦੀ ਮੈਡਲ ਜੇਤੂ ਸੀ।
ਉਨ੍ਹਾਂ ਕਿਹਾ ਕਿ ਸ਼ੈਲੀਨ ਯੈਂਗ ਦਾ ਸੁਫਨਾ ਸੀ ਕਿ ਆਰ.ਸੀ.ਐਮ.ਪੀ. ਜਾਇਨ ਕੀਤੀ ਜਾਵੇ ਅਤੇ ਉਹ ਲੋਕਾਂ ਦੀ ਮਦਦ ਕਰਨਾ ਚਾਹੁੰਦੀ ਸੀ।
ਬਰਨਬੀ ਆਰ.ਸੀ.ਐਮ.ਪੀ. ਤੋਂ ਕਾਂਸਟੇਬਲ ਸ਼ੈਲੀਨ ਯੈਂਗ ਦੇ ਸਾਥੀਆਂ ਨੇ ਵੀ ਕਾਂਸਟੇਬਲ ਯੈਂਗ ਨੂੰ ਯਾਦ ਕੀਤਾ।
ਆਪਣੇ ਸਾਥੀਆਂ ਅਤੇ ਖੁਦ ਦੀਆਂ ਭਾਵਨਾਵਾਂ ਨੂੰ ਜਾਹਿਰ ਕਰਦੇ ਕਾਂਸਟੇਬਲ ਇੰਦਰ ਗਿਲ ਨੇ ਕਿਹਾ ਕਿ ਉਨ੍ਹਾਂ ਦੀ ਖੁਸ਼ਕਿਸਮਤੀ ਸੀ ਕਿ ਕਾਂਸਟੇਬਲ ਯੈਂਗ ਨਾਲ ਹਰ ਰੋਜ ਕੰਮ ਕਰਨ ਦਾ ਮੌਕਾ ਮਿਲਦਾ ਸੀ।
ਉਨ੍ਹਾਂ ਕਿਹਾ ਕਿ ਬਰਨਬੀ ਡਿਟੈਚਮੈਂਟ ਦੇ ਮੈਂਬਰਾਂ ਦਾ ਦਿਲ ਟੁੱਟ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਬੀਤੇ ਇੱਕ ਹਫ਼ਤੇ ਉਨ੍ਹਾਂ ਨੂੰ ਮੌਕਾ ਮਿਲਿਆ ਕਿ ਕਾਂਸਟੇਬਲ ਯੈਂਗ ਦੇ ਪਰਿਵਾਰ ਨੂੰ ਮਿਲਿਆ ਜਾ ਸਕੇ।
ਕਾਂਸਟੇਬਲ ਇੰਦਰ ਗਿਲ ਨੇ ਕਿਹਾ ਕਿ ਆਮ ਤੌਰ 'ਤੇ ਕਿਸੇ ਵਿਅਕਤੀ ਨੂੰ ਅਫ਼ਸਰ ਦੀ ਟਰੇਨਿੰਗ ਪ੍ਰਦਾਨ ਕਰਨਾ ਇੱਕ ਮੁਸ਼ਕਿਲ ਪ੍ਰੀਕਿਰਿਆ ਹੁੰਦੀ ਹੈ ਅਤੇ ਕਾਂਸਟੇਬਲ ਯੈਂਗ ਦੀ ਖਾਸ ਗੱਲ ਸੀ ਕਿ ਉਨ੍ਹਾਂ ਲਈ ਇਹ ਟਰੇਨਿੰਗ ਨੈਚੁਰਲ ਸੀ ਅਤੇ ਸਿਖਲਾਈ ਦੇਣ ਵਾਲਿਆਂ ਲਈ ਉਨ੍ਹਾਂ ਨੂੰ ਟਰੇਨ ਕਰਨਾ ਆਸਾਨ ਸੀ।
