ਸਾਬਕਾ ਫਰਸਟ ਲੇਡੀ ਮੇਲਾਨੀਆ ਟਰੰਪ ਦੀ ਮਾਂ ਦਾ ਦਿਹਾਂਤ

ਅਮਰੀਕਾ ਦੀ ਸਾਬਕਾ ਫਰਸਟ ਲੇਡੀ ਮੇਲਾਨੀਆ ਟਰੰਪ ਦੀ ਮਾਂ ਅਮਲੀਜਾ ਨੈਵਸ ਦਾ ਦਿਹਾਂਤ ਹੋ ਗਿਆ ਹੈ। ਉਹ 78 ਸਾਲ ਦੀ ਸੀ। ਮੇਲਾਨੀਆ ਟਰੰਪ ਨੇ ਟਵਿੱਟਰ ’ਤੇ ਆਪਣੀ ਮਾਂ ਦੀ ਮੌਤ ਦਾ ਐਲਾਨ ਕੀਤਾ।

ਮੇਲਾਨੀਆ ਮੁਤਾਬਕ ਮੈਂ ਇਹ ਡੂੰਘੇ ਦੁੱਖ ਦੇ ਨਾਲ ਸੂਚਨਾ ਦੇ ਰਹੀ ਹਾਂ ਕਿ ਮੇਰੀ ਆਪਣੀ ਪਿਆਰੀ ਮਾਂ, ਅਮਲੀਜਾ ਦਾ ਦਿਹਾਂਤ ਹੋ ਗਿਆ ਹੈ। ਅਮਲੀਜਾ ਨੈਵਸ ਇੱਕ ਮਜ਼ਬੂਤ ਔਰਤ ਸੀ ਜਿਸ ਨੇ ਹਮੇਸ਼ਾ ਆਪਣੇ ਆਪ ਨੂੰ ਕਿਰਪਾ, ਨਿੱਘ ਅਤੇ ਮਾਣ ਨਾਲ ਸੰਭਾਲਿਆ। ਉਹ ਆਪਣੇ ਪਤੀ, ਧੀਆਂ, ਪੋਤੇ ਅਤੇ ਜਵਾਈਆਂ ਲਈ ਪੂਰੀ ਤਰ੍ਹਾਂ ਸਮਰਪਿਤ ਸੀ।

ਅਸੀਂ ਉਸ ਦੀ ਬਹੁਤ ਜ਼ਿਆਦਾ ਕਮੀ ਮਹਿਸੂਸ ਕਰਾਂਗੇ ਅਤੇ ਉਸ ਦੀ ਵਿਰਾਸਤ ਦਾ ਸਨਮਾਨ ਹਮੇਸ਼ਾ ਜਾਰੀ ਰੱਖਾਂਗੇ। ਪ੍ਰੰਤੂ ਐਕਸ ਵਿਚ ਉਸ ਦੀ ਮੌਤ ਦੇ ਕਾਰਨ ਦਾ ਖੁਲਾਸਾ ਨਹੀਂ ਕੀਤਾ ਗਿਆ।