14.32C Vancouver 14.32C VancouverMay 26, 2021 3:38 PM -
ਐਮੇਜ਼ੌਨ ਨੇ ਹੁਣ ਹੌਲੀਵੁੱਡ ਵੱਲ ਕਦਮ ਵਧਾ ਲਏ ਹਨ।
ਔਨਲਾਈਨ ਸ਼ੌਪਿੰਗ ਕੰਪਨੀ ਹੁਣ "ਜੇਮਜ਼ ਬੌਂਡ", "ਲੀਗਲੀ ਬਲੌਂਡ" ਅਤੇ "ਸ਼ਾਰਕ ਟੈਂਕ" ਵਰਗੇ ਮਸ਼ਹੂਰ ਪ੍ਰੋਜੈਕਟਸ ਦਾ ਨਿਰਮਾਣ ਕਰਨ ਵਾਲੇ ਮਸ਼ਹੂਰ ਫਿਲਮ ਅਤੇ ਟੀ.ਵੀ. ਸਟੂਡੀਓ ਐਮ.ਜੀ.ਐਮ. ਨੂੰ ਖਰੀਦਣ ਜਾ ਰਹੀ ਹੈ।
ਐਮੇਜ਼ੌਨ ਵੱਲੋਂ ਇਹ ਡੀਲ $8.45 ਬਿਲੀਅਨ ਦੇ ਖਰਚੇ ਨਾਲ ਕੀਤੀ ਜਾ ਰਹੀ ਹੈ।
ਸਾਲ 2017 ਵਿੱਚ $14 ਬਿਲੀਅਨ ਨਾਲ ‘ਹੋਲ ਫੂਡਜ਼’ ਨੂੰ ਖਰੀਦਣ ਤੋਂ ਬਾਅਦ ਇਹ ਕੰਪਨੀ ਲਈ ਦੂਜੀ ਵੱਡੀ ਡੀਲ ਹੋਵੇਗੀ।
ਨੈੱਟਫਲਿਕਸ ਅਤੇ ਡਿਜ਼ਨੀ+ ਵਰਗੀਆਂ ਸਟ੍ਰੀਮਿੰਗ ਸੇਵਾਵਾਂ ਨਾਲ ਮੁਕਾਬਲਾ ਕਰਨ ਲਈ ਮੀਡੀਆ ਇੰਡਸਟਰੀ ਵਿੱਚ ਚੁੱਕਿਆ ਗਿਆ ਇਹ ਨਵਾਂ ਕਦਮ ਹੈ।
ਏ.ਟੀ&ਟੀ ਅਤੇ ਡਿਸਕਵਰੀ ਨੇ ਪਿਛਲੇ ਹਫ਼ਤੇ ਐਲਾਨ ਕੀਤਾ ਸੀ ਕਿ ਉਹ ਆਪਣੀਆਂ ਕੰਪਨੀਆਂ ਨੂੰ ਇਕੱਠਾ ਕਰਨ ਜਾ ਰਹੇ ਹਨ ਤਾਂਕਿ , ਐੱਚ.ਜੀ.ਟੀ.ਵੀ., ਸੀ.ਐੱਨ.ਐੱਨ., ਫੂਡ ਨੈੱਟਵਰਕ ਅਤੇ ਐੱਚ.ਬੀ.ਓ. ਵਰਗੇ ਚੈਨਲਾਂ ਦਾ ਵਧੇਰੇ ਵਿਸਥਾਰ ਕੀਤਾ ਜਾ ਸਕੇ।
