17.33C Vancouver 17.33C VancouverFeb 23, 2024 4:11 PM - The Connect News
ਅਮਰੀਕਾ ਨੇ ਰੂਸ ਖਿਲਾਫ਼ 500 ਤੋਂ ਵੱਧ ਨਵੀਆਂ ਪਾਬੰਦੀਆਂ ਦਾ ਐਲਾਨ ਕੀਤਾ ਹੈ। ਬਾਈਡੇਨ ਨੇ ਇੱਕ ਬਿਆਨ ਵਿਚ ਕਿਹਾ ਕਿ ਰੂਸ ਵਲੋਂ ਯੂਕਰੇਨ ਖਿਲਾਫ ਜੰਗ ਸ਼ੁਰੂ ਕਰਨ ਅਤੇ ਵਿਰੋਧੀ ਧਿਰ ਦੇ ਨੇਤਾ ਅਲੈਕਸੀ ਨੇਵਲਨੀ ਦੀ ਜੇਲ੍ਹ ਵਿਚ ਮੌਤ ਹੋਣ ਦੇ ਸਬੰਧ ਵਿਚ ਇਹ ਕਾਰਵਾਈ ਕੀਤੀ ਗਈ ਹੈ।
ਰੂਸ ਨੂੰ ਐਨਰਜੀ ਸੈਕਟਰ ਤੋਂ ਜੋ ਰੈਵੇਨਿਊ ਮਿਲ ਰਿਹਾ ਹੈ ਉਸ ਨੂੰ ਟਾਰਗੇਟ ਕਰਨ ਲਈ 100 ਫਰਮ ’ਤੇ ਨਿਰਯਾਤ ਪਾਬੰਦੀਆਂ ਵੀ ਲਗਾਈਆਂ ਜਾ ਰਹੀਆਂ ਹਨ।
ਜੋਅ ਬਾਈਡੇਨ ਨੇ ਕਿਹਾ ਕਿ ਰੂਸ ਦੇ ਰਾਸ਼ਟਰਪਤੀ ਵਾਲਦੀਮੀਰ ਪੁਤਿਨ ਨੂੰ ਯੂਕਰੇਨ ’ਤੇ ਹਮਲੇ ਅਤੇ ਆਪਣੇ ਵਿਰੋਧੀ ਲੀਡਰ ਨੇਵਲਨੀ ਦੀ ਜੇਲ੍ਹ ਵਿਚ ਮੌਤ ਲਈ ਭਾਰੀ ਕੀਮਤ ਚੁਕਾਉਣੀ ਹੋਵੇਗੀ।
ਯੂਰਪੀ ਸੰਘ ਨੇ ਵੀ ਰੂਸ ਨੂੰ ਹਥਿਆਰ ਖਰੀਦਣ ਵਿਚ ਮਦਦ ਕਰਨ ਵਾਲੀਆਂ 200 ਕੰਪਨੀਆਂ ਅਤੇ ਵਿਅਕਤੀਆਂ ’ਤੇ ਪਾਬੰਦੀਆਂ ਲਗਾਈਆਂ ਹਨ। ਇਸ ’ਤੇ ਪਲਟਵਾਰ ਕਰਦੇ ਹੋਏ ਰੂਸ ਨੇ ਵੀ ਯੂਰਪੀ ਸੰਘ ਦੇ ਕਈ ਅਧਿਕਾਰੀਆਂ ’ਤੇ ਰੂਸ ਵਿਚ ਦਾਖਲ ਹੋਣ ’ਤੇ ਰੋਕ ਲਗਾ ਦਿੱਤੀ ਹੈ।
