30.22C Vancouver 30.22C VancouverJun 27, 2022 10:28 PM - The Canadian Press
ਅਮਰੀਕਾ 'ਚ ਮਿਸੋਰੀ 'ਚ ਇੱਕ ਪਸੈਂਜਰ ਟਰੇਨ ਦੇ ਪਟੜੀ ਤੋਂ ਉਤਰਨ ਦੀ ਘਟਨਾ ਵਾਪਰੀ ਹੈ।
ਰੇਲ 'ਚ 243 ਯਾਤਰੀਆਂ ਦੇ ਸਵਾਰ ਹੋਣ ਦੀ ਜਾਣਕਾਰੀ ਸਾਹਮਣੇ ਆਈ ਹੈ।
ਰੇਲ 'ਚ 12 ਕਰਿਊ ਮੈਂਬਰ ਵੀ ਸਵਾਰ ਸਨ। ਘਟਨਾ ਸਥਾਨਿਕ ਸਮੇਂ ਅਨੁਸਾਰ ਦੁਪਹਿਰ ਕਰੀਬ 1.42 ਵਜੇ ਵਾਪਰੀ ਦੱਸੀ ਗਈ ਹੈ।
ਖਬਰਾਂ ਅਨੁਸਾਰ ਐਮਟਰੈਕ ਟਰੇਨ ਇੱਕ ਡੰਪ ਟਰੱਕ ਨਾਲ ਟਕਰਾਉਣ ਤੋਂ ਬਾਅਦ ਪਟੜੀ ਤੋਂ ਉਤਰ ਗਈ।
ਘਟਨਾ ਮੈਂਡਨ ਦੇ ਸ਼ਹਿਰ ਕੋਲ ਵਾਪਰੀ ਦੱਸੀ ਗਈ ਹੈ।
ਰੇਲ ਦੀਆਂ 8 ਬੋਗੀਆਂ ਅਤੇ 2 ਇੰਜਨ ਪਟੜੀ ਤੋਂ ਉਤਰਨ ਦੀ ਜਾਣਕਾਰੀ ਸਾਹਮਣੇ ਆਈ ਹੈ।
ਘਟਨਾ 'ਚ ਇੱਕ ਤੋਂ ਵਧੇਰੇ ਲੋਕਾਂ ਦੀ ਮੌਤ ਸੰਬੰਧਤ ਖਬਰਾਂ ਉਜਾਗਰ ਹੋ ਰਹੀਆਂ ਹਨ ਪਰ ਫਿਲਹਾਲ ਮ੍ਰਿਤਕ ਲੋਕਾਂ ਦੀ ਗਿਣਤੀ ਸਪਸ਼ਟ ਨਹੀਂ ਹੋ ਸਕੀ ਹੈ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਮ੍ਰਿਤਕ ਲੋਕਾਂ ਦੀ ਗਿਣਤੀ ਬਾਰੇ ਪਤਾ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਘਟਨਾ ਤੋਂ ਬਾਅਦ ਨੇੜੇ ਦੇ ਇੱਕ ਸਕੂਲ ਨੂੰ ਪੀੜਤਾਂ ਲਈ ਟ੍ਰਾਈਏਜ ਸੈਂਟਰ 'ਚ ਤਬਦੀਲ ਕੀਤਾ ਗਿਆ ਹੈ।
ਇਹ ਰੇਲ ਸ਼ਿਕਾਗੋ ਤੋਂ ਲੌਸ ਐਂਜਲਿਸ ਦਾ ਸਫਰ ਕਰ ਰਹੀ ਸੀ।
