ਇਜ਼ਰਾਈਲੀ ਹਮਲੇ ’ਚ ਮਰੇ ਤਿੰਨ ਪੱਤਰਕਾਰ, ਲੇਬਨਾਨ ’ਚ ਦਫਤਰ ’ਤੇ ਡੇਗੀਆਂ ਮਿਜ਼ਾਇਲਾਂ

ਇਜ਼ਰਾਇਲੀ ਵਲੋਂ ਸ਼ੁੱਕਰਵਾਰ ਨੂੰ ਦੱਖਣੀ ਪੂਰਬੀ ਲੇਬਨਾਨ ਦੇ ਇੱਕ ਬਿਲਡਿੰਗ ’ਤੇ ਹਵਾਈ ਹਮਲਾ ਕੀਤਾ ਗਿਆ, ਜਿਸ ਵਿਚ ਤਿੰਨ ਪੱਤਰਕਾਰਾਂ ਦੀ ਮੌਤ ਹੋ ਗਈ। ਜਿਸ ਬਿਲਡਿੰਗ ’ਤੇ ਹਵਾਈ ਹਮਲਾ ਹੋਇਆ ਉਹ ਪੱਤਰਕਾਰਾਂ ਨਾਲ ਜੁੜੀ ਦੱਸੀ ਜਾਂਦੀ ਹੈ, ਜਿੱਥੇ ਉਹ ਰਹਿੰਦੇ ਸਨ। ਜਿਨ੍ਹਾਂ ਤਿੰਨ ਪੱਤਰਕਾਰਾਂ ਦੀ ਮੌਤ ਹੋਈ ਉਹ ਹਿਜ਼ਬੁੱਲ੍ਹਾ ਦੇ ਟੀਵੀ ਚੈਨਲ ਅਲ ਮਨਾਰ ਅਤੇ ਅਲ ਮਯਾਦੀਨ ਟੀਵੀ ਲਈ ਕੰਮ ਰਹੇ ਸਨ।

ਲੇਬਨਾਨ ਦੇ ਸੂਚਨਾ ਮੰਤਰੀ ਨੇ ਕਿਹਾ ਕਿ ਇਜ਼ਰਾਈਲ ਨੇ ਇਹ ਹਵਾਈ ਹਮਲਾ ਜਾਣਬੁੱਝ ਕੇ ਕੀਤਾ, ਉਨ੍ਹਾਂ ਨੇ ਇਸ ਨੂੰ ਜੰਗੀ ਅਪਰਾਧ ਕਰਾਰ ਦਿੱਤਾ।

ਲੇਬਨਾਨ ਦੇ ਸਿਹਤ ਮੰਤਰੀ ਨੇ ਦੱਸਿਆ ਕਿ ਇਸ ਹਮਲੇ ਵਿਚ ਤਿੰਨ ਪੱਤਰਕਾਰ ਵੀ ਜ਼ਖਮੀ ਹੋਏ ਹਨ। ਉਥੇ ਹੀ, ਇਜ਼ਰਾਇਲ ਨੇ ਇਸ ਨੂੰ ਲੈ ਕੇ ਹੁਣ ਤੱਕ ਕੋਈ ਬਿਆਨ ਜਾਰੀ ਨਹੀਂ ਕੀਤਾ ਪਰ ਇਸ ਤੋਂ ਪਹਿਲਾਂ ਫੌਜ ਇਹ ਕਹਿ ਚੁੱਕੀ ਹੈ, ਉਹ ਪੱਤਰਕਾਰਾਂ ਨੂੰ ਨਿਸ਼ਾਨਾ ਨਹੀਂ ਬਣਾ ਰਹੀ।