ਵਿਦੇਸ਼ ਮੰਤਰੀ ਅਨੀਤਾ ਆਨੰਦ ਵਾਸ਼ਿੰਗਟਨ ਵਿਚ ਅੰਤਰਰਾਸ਼ਟਰੀ ਭਾਈਵਾਲਾਂ ਨਾਲ ਕਰ ਰਹੇ ਮੁਲਾਕਾਤ

ਕੈਨੇਡਾ ਦੀ ਵਿਦੇਸ਼ ਮੰਤਰੀ ਅਨੀਤਾ ਆਨੰਦ ਅੱਜ ਵਾਸ਼ਿੰਗਟਨ ਵਿਚ ਅੰਤਰਰਾਸ਼ਟਰੀ ਭਾਈਵਾਲਾਂ ਨਾਲ ਮੁਲਾਕਾਤ ਕਰ ਰਹੇ ਹਨ। ਇਸ ਮੀਟਿੰਗ ਦਾ ਮੁੱਖ ਮੁੱਦਾ ਮਹੱਤਵਪੂਰਨ ਖਣਿਜ ਦੀ ਸਪਲਾਈ ਚੇਨ ਨੂੰ ਚੀਨ ਦੇ ਪ੍ਰਭਾਵ ਤੋਂ ਮੁਕਤ ਕਰਨਾ ਅਤੇ ਅਮਰੀਕਾ ਦੇ ਨਵੇਂ ਪ੍ਰੋਜੈਕਟ ਵਾਲਟ ਵਿਚ ਸਹਿਯੋਗ ਵਧਾਉਣਾ ਹੈ।

ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ ਸੋਮਵਾਰ ਨੂੰ ਪ੍ਰੋਜੈਕਟ ਵਾਲਟ ਦੇ ਗਠਨ ਦਾ ਐਲਾਨ ਕੀਤਾ ਸੀ। ਇਹ ਮਹੱਤਵਪੂਰਨ ਖਣਿਜ ਲਈ ਇੱਕ ਰਣਨੀਤਿਕ ਗੱਠਜੋੜ ਹੋਵੇਗਾ,ਜਿਸ ਦਾ ਉਦੇਸ਼ ਕਾਰਾਂ ਅਤੇ ਇਲੈਕਟ੍ਰਾਨਿਕਸ ਵਰਗੇ ਨਿਰਮਾਤਾ ਲਈ Rare Earth Metals ਦੀ ਸਪਲਾਈ ਚੇਨ ਨੂੰ ਨਿਰਵਿਘਨ ਬਣਾਉਣਾ ਹੈ। ਕੈਨੇਡਾ ਕੋਲ ਇਨ੍ਹਾਂ ਮਹੱਤਵਪੂਰਨ ਖਣਿਜਾਂ ਦੇ ਵਿਸ਼ਾਲ ਭੰਡਾਰ ਹਨ।

ਅਨੀਤਾ ਆਨੰਦ ਇਸ ਮੀਟਿੰਗ ਵਿਚ ਕੈਨੇਡੀਅਨ ਮਾਈਨਿੰਗ ਸੈਕਟਰ ਲਈ ਨਵੇਂ ਨਿਵੇਸ਼ ਨੂੰ ਉਤਸ਼ਾਹਤ ਕਰ ਸਕਦੇ ਹਨ। ਗੌਰਤਲਬ ਹੈ ਕਿ ਮਹੱਤਵਪੂਰਨ ਖਣਿਜ ਸਬੰਧੀ ਬੈਠਕ ਵਿਚ ਸ਼ਾਮਲ ਹੋਣ ਲਈ ਆਨੰਦ ਦਾ ਇਹ ਵਾਸ਼ਿੰਗਟਨ ਦੌਰਾ ਉਦੋਂ ਹੈ ਜਦੋਂ ਮੌਜੂਦਾ ਵਪਾਰ ਵਿਵਾਦ ਵਿਚਕਾਰ ਦੋਵਾਂ ਦੇਸ਼ਾਂ ਦੇ ਰਿਸ਼ਤਿਆਂ ਵਿਚ ਟਕਰਾਅ ਚੱਲ ਰਿਹਾ ਹੈ ਅਤੇ ਸੀ.ਯੂ.ਐਸ.ਐਮ.ਏ. ਰਿਵਿਊ ਸਮੇਂ ਵੀ ਕੈਨੇਡਾ 'ਤੇ ਦਬਾਅ ਵਧਣ ਦੇ ਆਸਾਰ ਹਨ।