12.29C Vancouver 12.29C VancouverOct 26, 2021 4:44 PM - The Canadian press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਸਾਬਕਾ ਪ੍ਰੋਕਊਰਮੇਂਟ ਮਿਨਿਸਟਰ ਨੂੰ ਕੈਨੇਡਾ ਦਾ ਨਵਾਂ ਰੱਖਿਆ ਮੰਤਰੀ ਬਣਾ ਦਿੱਤਾ ਹੈ।
ਅਨੀਤਾ ਆਨੰਦ ਹੁਣ ਰੱਖਿਆ ਮੰਤਰਾਲੇ ਦੀ ਵਾਗ ਡੋਰ ਸਾਂਭਣਗੇ।
ਮਿਲਿਟਰੀ ਦੇ ਸੀਨੀਅਰ ਮੈਂਬਰਾਂ ਨੂੰ ਲੈ ਕੇ ਸਾਹਮਣੇ ਆਏ ਕਾਮਕ ਘਟਨਾਵਾਂ ਨਾਲ ਜੁੜੇ ਇਲਜ਼ਾਮਾਂ ਨੂੰ ਜਿਸ ਤਰੀਕੇ ਨਾਲ ਟਰੂਡੋ ਸਰਕਾਰ ਨੇ ਹੈਂਡਲ ਕੀਤਾ ਹੈ ਉਸ ਦੀ ਕਾਫੀ ਨਿਖੇਦੀ ਹੁੰਦੀ ਰਹੀ ਹੈ।
ਵਿਰੋਧੀ ਪਾਰਟੀਆਂ, ਮਾਹਰਾਂ ਅਤੇ ਪੀੜਤਾਂ ਨੂੰ ਸਹਿਯੋਗ ਦਿੰਦੇ ਗਰੁੱਪਾਂ ਵੱਲੋਂ ਮੰਗ ਕੀਤੀ ਜਾ ਰਹੀ ਸੀ ਕਿ ਹਰਜੀਤ ਸੱਜਣ ਨੂੰ ਇਸ ਅਹੁਦੇ ਤੋਂ ਹਟਾਇਆ ਜਾਵੇ ਕਿਓਂਕਿ ਮਿਲਿਟਰੀ ਵਿੱਚ ਚੱਲ ਰਹੇ ਇਸ ਵਾਦ ਵਿਵਾਦ ਨੂੰ ਸਾਂਭਣ ਵਿੱਚ ਉਹ ਅਸਫਲ ਰਹੇ ਹਨ।
ਆਨੰਦ ਕੈਨੇਡਾ ਦੀ ਰੱਖਿਆ ਮੰਤਰੀ ਬਣਨ ਵਾਲੀ ਦੂਸਰੀ ਔਰਤ ਹੈ।
ਕਿਮ ਕੈਂਪਬੈੱਲ 1993 ਵਿੱਚ 6 ਮਹੀਨਿਆਂ ਲਈ ਕੈਨੇਡਾ ਦੇ ਰੱਖਿਆ ਮੰਤਰੀ ਬਣੇ ਸਨ ਬਾਅਦ ਵਿੱਚ ਉਹ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਬਣ ਗਏ ਸਨ।
ਪ੍ਰੋਕਊਰਮੇਂਟ ਮਿਨਿਸਟਰ ਦੇ ਤੌਰ ਤੇ ਆਨੰਦ ਵੈਕਸੀਨ, ਪੀ ਪੀ ਈ ਅਤੇ ਕੋਵਿਡ 19 ਨਾਲ ਜੁੜਿਆ ਹੋਰ ਸਮਾਨ ਖਰੀਦਣ ਲਈ ਜ਼ਿਮੇਵਾਰ ਸਨ ਅਤੇ ਉਹਨਾਂ ਦੀ ਇਸ ਅਹੁਦੇ ਤੇ ਕਾਫੀ ਸ਼ਲਾਘਾ ਵੀ ਹੁੰਦੀ ਰਹੀ ਹੈ।
ਆਨੰਦ ਨੇ ਮਿਲਿਟਰੀ ਨਾਲ ਜੁੜੀ ਕਈ ਕਿਸਮ ਦੀ ਖਰੀਦ ਦੇ ਕੰਮ ਨੂੰ ਵੀ ਓਵੇਰ ਸੀ ਕੀਤਾ ਸੀ, ਇਸ ਵਿੱਚ ਫਾਈਟਰ ਜੈਟਸ ਅਤੇ ਵਾਰ ਸ਼ਿਪਸ ਦੀ ਖਰੀਦ ਵੀ ਸ਼ਾਮਿਲ ਸੀ।
