12.8C Vancouver 12.8C VancouverMay 26, 2025 7:50 PM - Connect Newsroom
ਕੈਨੇਡਾ ਦੀ ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ, ਅਨੀਤਾ ਆਨੰਦ ਨੇ ਐਤਵਾਰ ਨੂੰ ਭਾਰਤ ਦੇ ਵਿਦੇਸ਼ ਮੰਤਰੀ ਐਸ. ਜੈਸ਼ੰਕਰ ਨਾਲ ਟੈਲੀਫੋਨ ਜਰੀਏ ਗੱਲਬਾਤ ਕੀਤੀ। ਗੱਲਬਾਤ ਤੋਂ ਬਾਅਦ ਅਨੀਤਾ ਅਨੰਦ ਨੇ ਸੋਸ਼ਲ ਮੀਡੀਆ ਪਲੈਟਫਾਰਮ 'X' 'ਤੇ ਜਾਣਕਾਰੀ ਸਾਂਝੀ ਕਰਦਿਆਂ ਦੱਸਿਆ ਕਿ ਐਸ. ਜੈਸ਼ੰਕਰ ਨਾਲ ਭਾਰਤ ਅਤੇ ਕੈਨੇਡਾ ਦੇ ਰਿਸ਼ਤਿਆਂ ਮਜਬੂਤ ਕਰਨ, ਇਕਨੌਮਿਕ ਕੋਆਪ੍ਰੇਸ਼ਨ ਨੂੰ ਵਧਾਉਣ, ਅਤੇ ਸਾਂਝੀਆਂ ਤਰਜੀਹਾਂ 'ਤੇ ਅੱਗੇ ਵਧਣ ਸੰਬੰਧੀ ਚਰਚਾ ਪ੍ਰੋਡਕਟਿਵ ਰਹੀ। ਅਨੀਤਾ ਅਨੰਦ ਨੇ ਐਸ. ਜੈਸ਼ੰਕਰ ਦਾ ਧੰਨਵਾਦ ਵੀ ਕੀਤਾ।
ਇਸ ਸੰਬੰਧੀ ਜਾਣਕਾਰੀ ਸਾਹਮਣੇ ਆਉਣ 'ਤੇ ਵਰਲਡ ਸਿੱਖ ਆਰਗੇਨਾਈਜੇਸ਼ਨ ਨੇ ਨਿਰਾਸ਼ਾ ਜਾਹਿਰ ਕੀਤੀ ਹੈ। ਡਬਲਿਊ.ਐਸ.ਓ. ਨੇ ਇਸ ਗੱਲਬਾਤ 'ਚ ਅਨੀਤਾ ਅਨੰਦ ਦੀ ਸਿੱਖ ਕਤਲਾਂ 'ਤੇ ਚੁੱਪੀ 'ਤੇ ਸਵਾਲ ਚੁੱਕੇ ਹਨ।
ਡਬਲਿਊ.ਐਸ.ਓ. ਨੇ ਹਰਦੀਪ ਸਿੰਘ ਨਿੱਜਰ ਦੇ ਕਤਲ ਅਤੇ ਫਿਰ ਉਸ ਵੇਲੇ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਕ੍ਰੈਡਿਬਲ ਇਲਜਾਮਾਂ ਦੀ ਟਿੱਪਣੀ ਅਤੇ ਫਿਰ ਪੁਲਿਸ ਏਜੈਂਸੀਆਂ ਦੇ ਖੁਲਾਸਿਆਂ ਦਾ ਹਵਾਲਾ ਦਿੰਦਿਆਂ ਇਸ ਮਾਮਲੇ 'ਚ ਚੁੱਪੀ ਨੂੰ ਚਿੰਤਾਜਨਕ ਦੱਸਿਆ ਹੈ।
