29.54C Vancouver 29.54C VancouverJun 16, 2021 10:39 PM -
ਦੇਸ਼ ਦੀ ਗ੍ਰੀਨ ਪਾਰਟੀ ਦੀ ਲੀਡਰ ਐਨਮੀ ਪੌਲ ਨੇ ਪਾਰਟੀ ਦੀ ਗਵਰਨਿੰਗ ਬੌਡੀ ਦੇ ਮੈਂਬਰਾਂ ਦੀ ਉਨ੍ਹਾਂ ਨੂੰ ਅਹੁਦੇ ਤੋਂ ਹਟਾਉਣ ਦੀ ਕੋਸ਼ਿਸ਼ ਨੂੰ ਨਸਲਵਾਦੀ ਅਤੇ ਲਿੰਗਵਾਦੀ ਦੱਸਿਆ ਹੈ।
ਲੀਡਰਸ਼ਿਪ ਦੇ ਫੈਸਲੇ 'ਤੇ ਹੋਈ ਐਮਰਜੈਂਸੀ ਬੈਠਕ ਤੋਂ ਇੱਕ ਦਿਨ ਬਾਅਦ ਪੌਲ ਨੇ ਕਿਹਾ ਕਿ ਫੈਡਰਲ ਕਾਉਂਸਿਲ ਦੇ ਬਹੁਤੇ ਮੈਂਬਰ 'ਟ੍ਰਾੰਸਫੌਰਮੇਸ਼ਨ ਅਤੇ ਡਾਈਵਰਸਿਟੀ' ਪ੍ਰਤੀ ਕਮਿਟਿਡ ਹਨ।
ਪਰ ਉਨ੍ਹਾਂ ਕਿਹਾ ਕਿ ਕੁਝ ਮੈਂਬਰ ਅਜਿਹੇ ਹਨ ਜੋ ਇਸ ਮੈਂਡੇਟ ਨੂੰ ਭੁੱਲ ਗਏ ਹਨ।
ਮੈਂਬਰਾਂ ਨੇ ਇੰਟਰਨਲ ਨੀਤੀਆਂ 'ਤੇ ਵਿਵਾਦਾਂ ਦਾ ਹਵਾਲਾ ਦਿੰਦੇ ਹੋਏ ਪੌਲ ਨੂੰ ਅਹੁਦੇ ਤੋਂ ਹਟਾਉਣ ਦੀ ਮੰਗ ਕੀਤੀ ਸੀ।
ਪੌਲ ਨੇ ਕਿਹਾ ਕਿ ਕੁਝ ਕੁ ਮੈਂਬਰਾਂ ਦੇ ਗਰੁੱਪ ਨੇ ਉਨ੍ਹਾਂ ਵਿਰੁੱਧ ਬਿਨਾ ਕਿਸੇ ਮਜ਼ਬੂਤ ਆਧਾਰ ਦੇ ਬੇਭਰੋਸਗੀ ਮਤਾ ਲਿਆਉਣ ਦੀ ਕੋਸ਼ਿਸ਼ ਕੀਤੀ।
ਉਨ੍ਹਾਂ ਕਿਹਾ ਕਿ ਇਸ ਦੇ ਲਈ ਅਜਿਹੇ ਇਲਜ਼ਾਮ ਲਗਾਏ ਗਏ ਜੋ ਕਿ ਬੇਹੱਦ ਰੇਸਿਸਟ ਅਤੇ ਸੈਕਸਿਸਟ ਸਨ ਅਤੇ ਪਾਰਟੀ ਦੇ ਦੋਵਾਂ ਐਮ.ਪੀ.'ਸ ਨੇ ਇਹਨਾਂ ਨੂੰ ਰੱਦ ਕਰ ਦਿੱਤਾ।
ਉਨ੍ਹਾਂ ਇਸ ਮੌਕੇ ਪ੍ਰਧਾਨ ਮੰਤਰੀ ਟਰੂਡੋ ਨੂੰ ਵੀ ਨਿਸ਼ਾਨੇ 'ਤੇ ਲਿਆ ਅਤੇ ਕਿਹਾ ਕਿ ਟਰੂਡੋ ਵੀ ਔਰਤਾਂ ਪ੍ਰਤੀ ਹਮਦਰਦੀ ਨਹੀਂ ਰੱਖਦੇ ਹਨ।
ਉਨ੍ਹਾਂ ਕਿਹਾ ਕਿ ਟਰੂਡੋ ਦੀਆਂ ਗੱਲਾਂ ਅਤੇ ਉਨ੍ਹਾਂ ਦੇ ਕੰਮ ਦੇ ਫਰਕ ਇਸ ਨੂੰ ਸਾਬਿਤ ਕਰਦੇ ਹਨ।
