10.43C Vancouver 10.43C VancouverNov 9, 2023 7:44 PM - The Canadian Press
ਕੈਨੇਡੀਅਨਜ਼ ਦਾ ਇੱਕ ਹੋਰ ਗਰੁੱਪ ਵੀਰਵਾਰ ਨੂੰ ਰਫਾਹ ਬਾਰਡਰ ਕਰਾਸਿੰਗ ਰਾਹੀਂ ਗਾਜ਼ਾ ਤੋਂ ਨਿਕਲ ਚੁੱਕਾ ਹੈ।
ਮਿਸਰ ਵਿੱਚ ਕੈਨੇਡਾ ਦੇ ਅੰਬੈਸਡਰ ਵੱਲੋਂ ਇਹ ਜਾਣਕਾਰੀ ਦਿੱਤੀ ਗਈ।
ਇਸ ਨਾਲ ਗਾਜ਼ਾ ਤੋਂ ਨਿਕਲਣ ਵਾਲੇ ਕੈਨੇਡੀਅਨਜ਼ ਦੀ ਕੁੱਲ ਗਿਣਤੀ 106 ਹੋ ਗਈ ਹੈ।
75 ਕੈਨੇਡੀਅਨਜ਼ ਦੇ ਪਹਿਲੇ ਗਰੁੱਪ ਨੇ ਲੰਘੇ ਮੰਗਲਵਾਰ ਰਫਾਹ ਬਾਰਡਰ ਕਰਾਸਿੰਗ ਪਾਰ ਕੀਤੀ ਸੀ।
ਗਾਜ਼ਾ ਪੱਟੀ ਅਤੇ ਮਿਸਰ ਵਿਚਕਾਰ ਪ੍ਰਮੁੱਖ ਕਰਾਸਿੰਗ ਅੱਜ ਜ਼ਿਆਦਾਤਰ ਘੰਟੇ ਲਈ ਬੰਦ ਕੀਤੀ ਗਈ ਸੀ।
ਵ੍ਹਾਈਟ ਹਾਊਸ ਦਾ ਕਹਿਣਾ ਹੈ ਕੇ ਇਜ਼ਰਾਈਲ ਇਸ ਗੱਲ ਲਾਈ ਰਾਜ਼ੀ ਹੋਇਆ ਹੈ ਕੇ ਉੱਤਰੀ ਗਾਜ਼ਾ ਵਿੱਚ ਫਸੇ ਨਾਗਰਿਕਾਂ ਨੂੰ ਉਥੋਂ ਨਿਕਲਣ ਦਾ ਮੌਕਾ ਦੇਣ ਲਈ ਰੋਜ਼ਨਾ 4 ਘੰਟੇ ਦਾ ਮਾਨਵਤਾਵਾਦੀ ਵਿਰਾਮ ਲਗਾਇਆ ਜਾਵੇਗਾ।
ਕੈਨੇਡੀਅਨ ਅੰਬੈਸਡਰ Louis Dumas ਨੇ ਕਿਹਾ ਕਿ ਲਿਸਟ ਵਿੱਚ 40 ਕੈਨੇਡੀਅਨਜ਼ ਸਨ ਜਿਨ੍ਹਾਂ ਵਿੱਚੋਂ 32 ਹੁਣ ਬਾਰਡਰ ਦੇ ਮਿਸਰ ਪਾਸੇ ਪਹੁੰਚ ਚੁੱਕੇ ਹਨ।
Dumas ਨੇ ਕਿਹਾ ਕਿ ਫੈਡਰਲ ਸਰਕਾਰ ਕੈਨੇਡੀਅਨਜ਼ ਨੂੰ ਗਾਜ਼ਾ ਵਿੱਚੋਂ ਕੱਢਣ ਲਈ ਹਰ ਦਿਨ ਯਤਨ ਕਰ ਰਹੀ ਹੈ।
ਗੌਰਤਲਬ ਹੈ ਕਿ ਰਫਾਹ ਬਾਰਡਰ ਕਰਾਸਿੰਗ ਗਾਜ਼ਾ ਤੋਂ ਨਿਕਲਣ ਦਾ ਇੱਕ-ਇੱਕ ਐਗਜ਼ਿਟ ਪੁਆਇੰਟ ਹੈ।
ਇਹ ਕਰਾਸਿੰਗ 1 ਨਵੰਬਰ ਨੂੰ ਸੈਂਕੜੇ ਜ਼ਖਮੀ ਫਲਸਤੀਨੀਆਂ ਅਤੇ ਵਿਦੇਸ਼ੀ ਪਾਸਪੋਰਟ ਧਾਰਕਾਂ ਲਈ ਖੋਲ੍ਹੀ ਗਈ ਸੀ।
