11.17C Vancouver 11.17C VancouverOct 28, 2020 7:17 PM -
ਮੰਗਲਵਾਰ ਨੂੰ ਪੈਂਟੀਕਟਨ 'ਚ ਇੱਕ ਅਪਾਰਟਮੈਂਟ ਇਮਾਰਤ 'ਚ ਲੱਗੀ ਅੱਗ ਦੀ ਘਟਨਾ ਵਿੱਚ 2 ਲੋਕਾਂ ਦੀ ਮੌਤ ਹੋ ਗਈ ਹੈ।
ਆਰ.ਸੀ.ਐਮ.ਪੀ. ਦੇ ਬੁਲਾਰੇ, ਜੇਸਨ ਬਾਏਦਾ ਦਾ ਕਹਿਣਾ ਸੀ ਕਿ ਸਟ੍ਰਕਚਰਲ ਇੰਜੀਨੀਅਰ ਵੱਲੋਂ ਐਮਰਜੈਂਸੀ ਟੀਮਾਂ ਨੂੰ ਇਮਾਰਤ ਦੇ ਅੰਦਰ ਦਾਖਿਲ ਹੋਣ ਨੂੰ ਸੁਰੱਖਿਅਤ ਦੱਸਣ ਤੋਂ ਬਾਅਦ, ਜਾਂਚ ਦੌਰਾਨ ਮ੍ਰਿਤ ਲੋਕਾਂ ਦਾ ਪਤਾ ਲੱਗਿਆ।
ਪੈਂਟੀਕਟਨ ਫਾਇਰ ਚੀਫ਼ ਦਾ ਕਹਿਣਾ ਹੈ ਕਿ ਆਸਾਰ ਹਨ ਕਿ ਅੱਗ, ਇਮਾਰਤ ਦੇ ਬਾਹਰ ਤੋਂ ਸ਼ੁਰੂ ਹੋਈ ਸੀ ਅਤੇ ਫਿਰ ਇਹ ਛੱਤ ਤੱਕ ਪਹੁੰਚ ਗਈ।
ਉਨ੍ਹਾਂ ਦੱਸਿਆ ਕਿ ਜਾਂਚ ਅਜੇ ਸ਼ੁਰੂਆਤੀ ਦੌਰ 'ਚ ਹੈ ਅਤੇ 2 ਮੌਤਾਂ ਕਾਰਨ ਪੁਲਿਸ ਵੀ ਜਾਂਚ ਕਰ ਰਹੀ ਹੈ।
ਉਨ੍ਹਾਂ ਦੱਸਿਆ ਕਿ ਇਹ ਵੁੱਡ-ਫ੍ਰੇਮ ਵਾਲੀ ਇਮਾਰਤ ਸਾਲ 1981 'ਚ ਬਣੀ ਸੀ, ਅਤੇ ਇਸ 'ਚ ਸਪ੍ਰਿੰਕਲਰ ਸਿਸਟਮ ਵੀ ਨਹੀਂ ਸੀ।
ਫਾਇਰ ਚੀਫ਼ ਦਾ ਕਹਿਣਾ ਸੀ ਕਿ ਇਸ ਪ੍ਰਕਾਰ ਦੀ ਇੰਟੀਰੀਅਰ ਪ੍ਰੋਟੈਕਸ਼ਨ ਨਾਲ ਅੱਗ 'ਤੇ ਕਾਬੂ ਪਾਉਣਾ ਮੁਸ਼ਕਿਲ ਸੀ।
