9.94C Vancouver 9.94C VancouverFeb 1, 2022 1:20 AM - The Canadian Press
ਵੈਨਕੂਵਰ ਦੇ ਵੈਸਟ ਐਂਡ ਇਲਾਕੇ 'ਚ ਲੱਗੀ ਭਿਆਨਕ ਅੱਗ ਜਾਨਲੇਵਾ ਸਾਬਿਤ ਹੋਈ ਹੈ।
ਘਟਨਾ 'ਚ 2 ਲੋਕਾਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਹੁਣ ਦੱਸਿਆ ਗਿਆ ਹੈ ਕਿ ਘਟਨਾ 'ਚ ਹਸਪਤਾਲ ਪਹੁੰਚਾਏ ਗਏ ਇੱਕ 37 ਸਾਲਾ ਆਦਮੀ ਦੀ ਮੌਤ ਹੋ ਗਈ ਹੈ।
ਪੈਂਡਰੈਲ ਸਟ੍ਰੀਟ ਕੋਲ ਸਵੇਰੇ ਕਰੀਬ 6 ਵਜੇ ਅੱਗ ਦੀਆਂ ਲਪਟਾਂ ਉੱਠਣ ਦੀ ਜਾਣਕਾਰੀ ਦਿੱਤੀ ਗਈ ਸੀ।
ਇਮਾਰਤ 'ਚ ਕਈ ਲੋਕ ਫਸੇ ਹੋਣ ਦੀ ਜਾਣਕਾਰੀ ਉਜਾਗਰ ਹੋਈ ਸੀ।
ਅੱਗ ਬੁਝਾਊ ਟੀਮਾਂ ਨੇ ਜਲਦੀ ਹੀ ਲਪਟਾਂ 'ਤੇ ਕਾਬੂ ਪਾਉਣ ਲਈ ਮੁਸ਼ੱਕਤ ਸ਼ੁਰੂ ਕਰ ਦਿੱਤੀ ਸੀ।
ਮੰਨਿਆ ਜਾ ਰਿਹਾ ਹੈ ਕਿ 15 ਮੰਜਿਲਾ ਹਾਈ-ਰਾਈਜ਼ ਦੀ ਚੌਥੀ ਮੰਜਿਲ 'ਤੇ ਇੱਕ ਯੂਨਿਟ 'ਚ ਅੱਗ ਲਗ ਗਈ ਸੀ।
ਇਸ ਯੂਨਿਟ 'ਚ ਇੱਕ ਜੋੜਾ ਰਹਿੰਦੇ ਹੋਣ ਦੀ ਜਾਣਕਾਰੀ ਵੀ ਦਿੱਤੀ ਗਈ।
ਇਸ ਯੂਨਿਟ ਤੋਂ ਇੱਕ ਔਰਤ ਤਾਂ ਨਿਕਲ ਕੇ ਗੁਆਂਢੀਆਂ ਦੇ ਘਰ ਤਕ ਪਹੁੰਚਣ 'ਚ ਕਾਮਯਾਬ ਹੋ ਗਈ ਪਰ ਉਸ ਦਾ ਪਾਰਟਨਰ ਅੰਦਰ ਫਸ ਗਿਆ ਸੀ।
ਉਸ ਦੇ ਪਾਰਟਨਰ ਦੇ ਗੰਭੀਰ ਜਖਮੀ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਸੀ।
ਹੁਣ ਦੱਸਿਆ ਗਿਆ ਹੈ ਕਿ ਵਿਅਕਤੀ ਨੇ ਦਮ ਤੋੜ ਦਿੱਤਾ ਹੈ।
ਘਟਨਾ 'ਚ ਕਰੀਬ ਇੱਕ ਦਰਜਨ ਯੂਨਿਟਸ ਨੂੰ ਨੁਕਸਾਨ ਪਹੁੰਚਿਆ ਦੱਸਿਆ ਗਿਆ ਹੈ।
