17.33C Vancouver 17.33C VancouverJul 2, 2025 5:13 PM - Connect Newsroom
ਬੀ. ਸੀ. ਸਰਕਾਰ ਦੇ ਮੁਫ਼ਤ ਆਈ.ਵੀ.ਐਫ. ਪ੍ਰੋਗਰਾਮ ਲਈ ਅੱਜ ਤੋਂ ਅਪਲਾਈ ਕੀਤਾ ਜਾ ਸਕਦਾ ਹੈ, ਇਸ ਪ੍ਰੋਗਰਾਮ ਦੀ ਸ਼ੁਰੂਆਤ ਉਨ੍ਹਾਂ ਲੋਕਾਂ ਲਈ ਬਹੁਤ ਮਹੱਤਵਪੂਰਨ ਹੈ ਜੋ ਮਾਂ-ਪਿਓ ਬਣਨ ਲਈ ਉਤਸੁਕ ਹਨ।
ਸੂਬੇ ਦੀ ਐੱਨ.ਡੀ.ਪੀ. ਸਰਕਾਰ ਨੇ ਪਿਛਲੇ ਸਾਲ ਦੇ ਬਜਟ ਵਿਚ ਇਸ ਪ੍ਰੋਗਰਾਮ ਦਾ ਐਲਾਨ ਕੀਤਾ ਸੀ ਅਤੇ ਐਪਲੀਕੇਸ਼ਨ ਦੀ ਪ੍ਰਕਿਰਿਆ ਮਾਰਚ ਵਿਚ ਸ਼ੁਰੂ ਹੋਣੀ ਸੀ ਪਰ ਕੁਝ ਕਾਰਨਾਂ ਕਰਕੇ ਇਸ ਨੂੰ 2 ਜੁਲਾਈ ਤੱਕ ਡੀਲੇਅ ਕਰ ਦਿੱਤਾ ਗਿਆ ਸੀ।
ਸੂਬੇ ਦੀ ਡੇਵਿਡ ਈਬੀ ਸਰਕਾਰ ਵਲੋਂ ਮੁਫ਼ਤ ਆਈ.ਵੀ.ਐਫ. ਪ੍ਰੋਗਰਾਮ ਲਈ ਦੋ ਸਾਲਾਂ ਵਾਸਤੇ ਕਰੀਬ $68 ਮਿਲੀਅਨ ਦੇ ਫੰਡ ਦੀ ਵਿਵਸਥਾ ਕੀਤੀ ਗਈ ਹੈ। ਇਸ ਪ੍ਰੋਗਰਾਮ ਤਹਿਤ ਅਰਜ਼ੀਆਂ ਮਾਰਚ 2026 ਦੇ ਅੰਤ ਤੱਕ ਸਵੀਕਾਰ ਕੀਤੀਆਂ ਜਾਣਗੀਆਂ, ਇਸ ਲਈ ਉਮਰ ਹੱਦ 41 ਸਾਲ ਤੱਕ ਹੈ।
ਆਈ.ਵੀ.ਐਫ. ਦੇ ਇੱਕ ਰਾਊਂਡ ਲਈ ਯੋਗ ਬ੍ਰਿਟਿਸ਼ ਕੋਲੰਬੀਆ ਨੂੰ $19,000 ਤੱਕ ਦੀ ਸਹਾਇਤਾ ਮਿਲੇਗੀ ਅਤੇ ਜੇ ਕਿਸੇ ਨੂੰ ਇਸ ਤੋਂ ਵੱਧ ਆਈ.ਵੀ.ਐਫ. ਕਰਵਾਉਣ ਦੀ ਲੋੜ ਪੈਂਦੀ ਹੈ ਤਾਂ ਉਸ ਨੂੰ ਇਸ ਦਾ ਭੁਗਤਾਨ ਖੁਦ ਕਰਨਾ ਪਵੇਗਾ।
