18.61C Vancouver 18.61C VancouverMay 15, 2020 2:39 PM -
ਕਨੇਡੀਅਨ ਰੀਅਲ ਸਟੇਟ ਐਸੋਸੀਏਸ਼ਨ ਮੁਤਾਬਕ ਮਹਾਂਮਾਰੀ ਦੇ ਰੀਅਲ ਇਸਟੇਟ ਮਾਰਕੀਟ ਤੇ ਪਏ ਡੂੰਘੇ ਪ੍ਰਭਾਵ ਕਾਰਨ ਦੇਸ਼ ਭਰ ਵਿੱਚ ਅਪਰੈਲ ਮਹੀਨੇ ਵਿੱਚ ਘਰਾਂ ਦੀ ਵਿਕਰੀ ਅੱਧ ਤੋਂ ਵੀ ਘੱਟ ਰਹੀ।
ਐਸੋਸੀਏਸ਼ਨ ਅਨੁਸਾਰ ਪਿਛਲੇ ਸਾਲ ਦੇ ਮੁਕਾਬਲੇ ਅਪਰੈਲ ਮਹੀਨੇ ਵਿੱਚ ਘਰਾਂ ਦੀ ਵਿਕਰੀ ਵਿੱਚ 57.6 ਫੀਸਦੀ ਗਿਰਾਵਟ ਆਈ ਦੇਖੀ ਗਈ ਅਤੇ ਮਹੀਨੇ ਤੋਂ ਮਹੀਨੇ ਦੇ ਆਧਾਰ ਤੇ ਇਹ ਅੰਕੜਾ 56.8 ਫੀਸਦੀ ਘੱਟ ਸੀ ਜੋ ਕਿ 1984 ਤੋਂ ਲੈਕੇ ਹੁਣ ਤੱਕ ਸਭ ਤੋਂ ਥੋੜ੍ਹਾ ਹੈ।
ਰੀਅਲ ਇਸਟੇਟ ਦੀ ਸਰਗਰਮੀ ਵਿੱਚ ਗ੍ਰੇਟਰ ਟੋਰੌਂਟੋ ਇਲਾਕੇ ਵਿੱਚ 66.2 ਫੀਸਦੀ, ਗ੍ਰੇਟਰ ਵੈਨਕੂਵਰ ਵਿੱਚ 57.9 ਫੀਸਦੀ, ਔਟਵਾ ਵਿੱਚ 51.5 ਫੀਸਦੀ ਅਤੇ ਵਿਨੀਪੈਗ ਵਿੱਚ 42 ਫੀਸਦੀ ਗਿਰਾਵਟ ਆਈ।
ਦੇਸ਼ ਭਰ ਵਿੱਚ ਮਾਰਚ ਤੋਂ ਅਪਰੈਲ ਵਿਚਕਾਰ ਨਵੀਆਂ ਲਿਸਟਿੰਗ 55.7 ਫੀਸਦੀ ਘੱਟੀਆਂ ਪਰ ਇਨਵੈਂਟਰੀ ਦਾ ਪੱਧਰ ਜਿੱਥੇ ਮਾਰਚ ਵਿੱਚ 4.3 ਮਹੀਨੇ ਸੀ ਉੱਥੇ ਹੀ ਅਪਰੈਲ ਵਿੱਚ 9.2 ਮਹੀਨੇ ਨਜ਼ਰ ਆਇਆ।
ਮਾਰਚ ਦੇ ਮੁਕਾਬਲੇ ਅਪਰੈਲ ਵਿੱਚ ਬੈਂਚਮਾਰਕ ਕੀਮਤ 0.6 ਫੀਸਦੀ ਘੱਟ ਸੀ ਪਰ ਬਾਕੀ ਸਾਲਾਂ ਦੀ ਤੁਲਨਾ ਵਿੱਚ 6.4 ਵੱਧ ਰਹੀ।
ਦੇਸ਼ ਵਿੱਚ ਵੇਚੇ ਗਏ ਘਰਾਂ ਦੀ ਔਸਤ ਕੀਮਤ ਤਕਰੀਬਨ $488,000 ਸੀ, ਜੋ ਕਿ ਪਿੱਛਲੇ ਸਾਲ ਦੀ ਤੁਲਨਾ ਵਿੱਚ 1.3 ਫੀਸਦੀ ਘੱਟ ਹੈ।
