21.08C Vancouver 21.08C VancouverJun 25, 2025 3:49 PM - The Canadian Press
ਬੀ.ਸੀ. ਦੀ ਕੋਰੋਨਰ ਸਰਵਿਸ ਮੁਤਾਬਕ ਸੂਬੇ ਵਿਚ ਅਪ੍ਰੈਲ ਮਹੀਨੇ ਨਸ਼ੇ ਦੀ ਓਵਰਡੋਜ਼ ਕਾਰਨ 165 ਲੋਕਾਂ ਦੀ ਮੌਤ ਹੋਈ। ਇਸ ਤੋਂ ਪਹਿਲੇ 6 ਮਹੀਨਿਆਂ ਦੌਰਾਨ ਮੌਤਾਂ ਦੀ ਗਿਣਤੀ ਹਰ ਮਹੀਨੇ 160 ਤੋਂ ਘੱਟ ਰਿਕਾਰਡ ਹੋਈ ਸੀ। ਮਾਰਚ ਵਿਚ ਇਹ ਗਿਣਤੀ 143 ਅਤੇ ਫਰਵਰੀ ਵਿਚ 132 ਸੀ। ਫਰਵਰੀ ਅਤੇ ਮਾਰਚ ਦੇ ਅੰਕੜੇ 2024 ਦੇ ਇਨ੍ਹਾਂ ਮਹੀਨਿਆਂ ਦੇ ਮੁਕਾਬਲੇ ਸਾਲ-ਦਰ-ਸਾਲ 30 ਫੀਸਦੀ ਤੋਂ ਵੱਧ ਦੀ ਗਿਰਾਵਟ ਨੂੰ ਦਰਸਾਉਂਦੇ ਹਨ।
ਮੰਗਲਵਾਰ ਔਫੀਸਰਜ਼ ਨੇ ਦੱਸਿਆ ਕਿ ਇਸ ਸਾਲ ਫਰੇਜ਼ਰ ਅਤੇ ਵੈਨਕੂਵਰ ਕੋਸਟਲ ਹੈਲਥ ਅਥਾਰਟੀਜ਼ ਵਲੋਂ ਦਰਜ ਮੌਤਾਂ ਦਾ ਰਿਕਾਰਡ ਇਸ ਸਾਲ ਦੀਆਂ ਮੌਤਾਂ ਦਾ 57 ਫੀਸਦੀ ਹੈ। ਮਰਨ ਵਾਲਿਆਂ ਵਿਚੋਂ ਕਈਆਂ ਨੇ ਓਪੀਔਡ ਫੈਂਟਾਨਿਲ ਦੀ ਵਰਤੋਂ ਕੀਤੀ ਸੀ, ਜੋ ਬਹੁਤ ਖਤਰਨਾਕ ਡਰੱਗਜ਼ ਹੈ।
ਬੀ.ਸੀ. ਗ੍ਰੀਨ ਕਾਕਸ ਨੇ ਸਟੇਟਮੈਂਟ ਵਿਚ ਦੱਸਿਆ ਕਿ ਇਸ ਸਾਲ ਬਾਹਰੀ ਇਲਾਕਿਆਂ ਵਿਚ ਹੋਣ ਵਾਲੀਆਂ ਮੌਤਾਂ 21 ਫੀਸਦੀ ਹਨ ਜੋ ਕਿ 2022 ਵਿਚ 15 ਫੀਸਦੀ ਸੀ।
