13.16C Vancouver 13.16C VancouverJun 17, 2025 5:23 PM - The Canadian Press
ਕੈਨੇਡਾ ਸਰਕਾਰ ਦੇ ਗਲੋਬਲ ਅਫੇਅਰਜ਼ ਡਿਪਾਰਟਮੈਂਟ ਨੇ ਮਿਡਲ ਈਸਟ ਵਿਚ ਵੱਧ ਰਹੇ ਸੰਕਟ ਦਰਮਿਆਨ ਈਰਾਨ ਵਿਚ ਕਰੀਬ 3,500 ਕੈਨੇਡੀਅਨਾਂ ਅਤੇ ਇਜ਼ਰਾਇਲ ਵਿਚ 6,700 ਕੈਨੇਡੀਅਨਾਂ ਦੇ ਹੋਣ ਦਾ ਅਨੁਮਾਨ ਪ੍ਰਗਟ ਕੀਤਾ ਹੈ।
ਵਿਭਾਗ ਨੇ ਕਿਹਾ ਕਿ ਇਹ ਗਣਨਾ ਮਿਡਲ ਈਸਟ ਵਿਚ 80,000 ਕੈਨੇਡੀਅਨਾਂ ਦੇ ਸਵੈ ਇੱਛਤ ਰਜਿਸਟ੍ਰੇਸ਼ਨ ਦੇ ਬੇਸ 'ਤੇ ਹੈ ਅਤੇ ਇਹ ਸਪੱਸ਼ਟ ਨਹੀਂ ਕਿ ਉਨ੍ਹਾਂ ਵਿਚੋਂ ਕਿੰਨੇ ਲੋਕਾਂ ਨੂੰ ਇਸ ਖਿਤੇ ਵਿਚੋਂ ਬਾਹਰ ਕੱਢਣ ਵਿਚ ਮਦਦ ਦੀ ਲੋੜ ਹੋ ਸਕਦੀ ਹੈ।
ਗਲੋਬਲ ਅਫੇਅਰਜ਼ ਕੈਨੇਡਾ ਨੇ ਕਿਹਾ ਕਿ ਉਸ ਨੂੰ ਈਰਾਨ-ਇਜ਼ਰਾਇਲ ਵਿਚ ਟਕਰਾਅ ਕਾਰਨ ਕਿਸੇ ਕੈਨੇਡੀਅਨ ਦੇ ਜ਼ਖਮੀ ਹੋਣ ਜਾਂ ਮੌਤ ਹੋਣ ਦੀ ਕੋਈ ਰਿਪੋਰਟ ਨਹੀਂ ਮਿਲੀ ਹੈ ਪਰ ਡਿਪਾਰਟਮੈਂਟ ਨੇ ਚਿਤਾਵਨੀ ਵਿਚ ਕਿਹਾ ਕਿ ਕੈਨੇਡੀਅਨਾਂ ਨੂੰ ਈਰਾਨ ਅਤੇ ਇਜ਼ਰਾਇਲ ਦੀ ਕਿਸੇ ਵੀ ਯਾਤਰਾ ਤੋਂ ਬਚਣਾ ਚਾਹੀਦਾ ਹੈ।
ਇਸ ਤੋਂ ਇਲਾਵਾ ਇਜ਼ਰਾਇਲ ਦੇ ਕਬਜ਼ੇ ਵਾਲੇ ਵੈਸਟ ਬੈਂਕ ਅਤੇ ਗਾਜ਼ਾ ਵਿਚ ਜਾਣ ਤੋਂ ਵੀ ਮਨ੍ਹਾ ਕੀਤਾ ਗਿਆ ਹੈ। ਸਰਕਾਰ ਨੇ ਮਿਡਲ ਈਸਟ ਵਿਚ ਰਹਿ ਰਹੇ ਕੈਨੇਡੀਅਨਾਂ ਨੂੰ ਖਬਰਾਂ 'ਤੇ ਨਜ਼ਰ ਬਣਾਈ ਰੱਖਣ ਅਤੇ ਲੋਕਲ ਅਧਿਕਾਰੀਆਂ ਦੀਆਂ ਹਦਾਇਤਾਂ ਨੂੰ ਫੋਲੋ ਕਰਨ ਦੀ ਸਲਾਹ ਦਿੱਤੀ ਹੈ।
