16.75C Vancouver 16.75C VancouverDec 30, 2022 12:54 AM - Connect News
ਡੈਲਟਾ ਪੁਲਿਸ ਦਾ ਕਹਿਣਾ ਹੈ ਕਿ ਇਲਾਕੇ 'ਚ ਗੋਲੀ ਚੱਲਣ ਦੀ ਘਟਨਾ ਸੰਬੰਧਤ ਗ੍ਰਿਫਤਾਰੀ ਕੀਤੀ ਗਈ ਹੈ।
ਪੁਲਿਸ ਮੁਤਾਬਿਕ 29 ਦਿਸੰਬਰ ਨੂੰ ਤੜਕੇ ਕਰੀਬ 3.25 ਵਜੇ ਟਵਾਸਨ ਦੇ ਇਲਾਕੇ 'ਚ 4A ਐਵੀਨਿਊ ਦੇ 5300 ਬਲੌਕ 'ਚ ਗੋਲੀ ਚੱਲਣ ਦੀ ਜਾਣਕਾਰੀ ਮਿਲੀ ਸੀ।
ਮੌਕੇ 'ਤੇ ਪਹੁੰਚੇ ਅਫਸਰਾਂ ਨੇ ਵੇਖਿਆ ਕਿ ਇੱਕ ਘਰ 'ਤੇ ਗੋਲੀਆਂ ਚਲਾਈਆਂ ਗਈਆਂ ਸਨ।
ਘਰ ਦੇ ਅੰਦਰ ਲੋਕ ਮੌਜੂਦ ਸਨ ਪਰ ਕਿਸੇ ਵਿਅਕਤੀ ਦੇ ਜ਼ਖਮੀ ਹੋਣ ਤੋਂ ਬਚਾਅ ਰਿਹਾ।
ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ 'ਚ ਸਰ੍ਹੀ ਦੇ ਇੱਕ ਨੌਜਵਾਨ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ ਅਤੇ ਉਸ 'ਤੇ ਹਥਿਆਰਾਂ ਸੰਬੰਧੀ ਕਈ ਦੋਸ਼ ਤੈਅ ਕੀਤੇ ਜਾ ਸਕਦੇ ਹਨ।
ਹਾਲਾਂਕਿ ਇਸ ਲੜਕੇ ਦੀ ਪਛਾਣ ਸਾਂਝੀ ਨਹੀਂ ਕੀਤੀ ਜਾ ਰਹੀ।
ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ 'ਚ ਜਾਂਚ ਜਾਰੀ ਹੈ।
ਜਾਂਚ ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਜਿਸ ਘਰ 'ਤੇ ਗੋਲੀ ਚਲਾਈ ਗਈ ਉਸ ਨੂੰ 'ਮਿਸਟੇਕਨ ਟਾਰਗੈਟ' ਯਾਨੀ ਕਿ ਗਲਤੀ ਤੋਂ ਟਾਰਗੈਟ ਕੀਤਾ ਗਿਆ।
ਅਫ਼ਸਰ ਘਟਨਾ ਸੰਬੰਧੀ ਵੀਡੀਓ ਫੁਟੇਜ ਦੀ ਭਾਲ ਕਰ ਰਹੇ ਹਨ।
