8.7C Vancouver 8.7C VancouverMay 22, 2025 4:38 PM - The Canadian Press
ਐਡਮਿੰਟਨ ਦੀ ਜੇਲ੍ਹ ਤੋਂ ਝੂਠੇ ਦਸਤਾਵੇਜ਼ ਦਿਖਾ ਕੇ ਰਿਹਾਅ ਹੋਈ 24 ਸਾਲਾ ਔਰਤ ਦੀ ਭਾਲ ਕੀਤੀ ਜਾ ਰਹੀ ਹੈ। 24 ਸਾਲਾ ਮੈਕੇਂਜੀ ਡਾਨ ਹਾਰਡੀ ਨੂੰ ਚੋਰੀ ਦੀ ਪ੍ਰੋਪਰਟੀ, ਬੇਧਿਆਨੀ ਨਾਲ ਡਰਾਈਵ ਕਰਨ, ਪੁਲਿਸ ਨਾਲ ਝਗੜਾ ਕਰਨ ਅਤੇ ਬਿਨਾਂ ਰਜਿਸਟ੍ਰੇਸ਼ਨ ਦੇ ਡਰਾਈਵ ਕਰਨ ਸਣੇ ਕਈ ਦੋਸ਼ਾਂ ਲਈ ਮਾਰਚ ਵਿਚ ਰੈਡ ਡੀਰ ਤੋਂ ਹਿਰਾਸਤ ਵਿਚ ਲਿਆ ਗਿਆ ਸੀ।
ਬੁੱਧਵਾਰ ਜਾਣਕਾਰੀ ਦਿੱਤੀ ਗਈ ਕਿ ਹਿਰਾਸਤ ਵਿਚ ਲੈਣ ਵਾਲੇ ਸਟਾਫ ਨੂੰ ਉਸ ਨੇ ਝੂਠੇ ਦਸਤਾਵੇਜ਼ ਜਮ੍ਹਾਂ ਕਰਵਾਏ ਕਿ ਉਸ 'ਤੇ ਲੱਗੇ ਚਾਰਜਿਜ਼ ਹਟਾ ਦਿੱਤੇ ਗਏ ਹਨ। ਉਸ ਦੀ ਰਿਹਾਈ ਦੇ ਕੁਝ ਦਿਨਾਂ ਬਾਅਦ ਪਤਾ ਲੱਗਾ ਕਿ ਇਹ ਝੂਠੇ ਸਨ। ਉਨ੍ਹਾਂ ਕਿਹਾ ਕਿ ਉਹ ਜਨਤਾ ਲਈ ਖਤਰਾ ਨਹੀਂ ਹੈ ਪਰ ਉਸ ਨੂੰ ਆਪਣੇ-ਆਪ ਪੁਲਿਸ ਕੋਲ ਆਉਣ ਲਈ ਕਿਹਾ ਗਿਆ ਹੈ।
ਹਾਰਡੀ ਨੇ ਸੋਸ਼ਲ ਮੀਡੀਆ 'ਤੇ ਦੱਸਿਆ ਕਿ ਉਸ ਨੇ ਕੁਝ ਵੀ ਗਲਤ ਨਹੀਂ ਕੀਤਾ ਅਤੇ ਜਲਦੀ ਰਿਹਾਈ ਨੂੰ ਉਹ ਰੱਬ ਵਲੋਂ ਮਿਲਿਆ ਤੋਹਫਾ ਮੰਨਦੀ ਹੈ ਕਿਉਂਕਿ ਉਸ ਦਾ ਬੁਆਏਫਰੈਂਡ ਕੈਂਸਰ ਪੀੜਤ ਹੈ ਅਤੇ ਉਸ ਨੂੰ ਇਸ ਸਮੇਂ ਉਸ ਦੀ ਸਭ ਤੋਂ ਵੱਧ ਜ਼ਰੂਰਤ ਹੈ।
