12.2C Vancouver 12.2C VancouverSep 24, 2025 4:23 PM - The Canadian Press
ਕੈਨੇਡੀਅਨ ਪੁਲਾੜ ਯਾਤਰੀ ਜੇਰੇਮੀ ਹੈਨਸਨ ਅਤੇ ਉਨ੍ਹਾਂ ਦਾ ਕਰੂਮੇਟਸ ਮੂਨ ਦੇ ਇੱਰਦ-ਗਿੱਰਦ ਇਤਿਹਾਸਕ ਯਾਤਰਾ ਲਈ 2026 ਦੇ ਪਹਿਲੇ ਅੱਧ ਵਿਚ ਜਾ ਸਕਦਾ ਹੈ।ਆਰਟੇਮਿਸ-2 ਮਿਸ਼ਨ ਵਿਚ ਚਾਰ ਪੁਲਾੜ ਯਾਤਰੀ ਚੰਦਰਮਾ ਦੀ ਦਸ ਦਿਨਾਂ ਦੀ ਯਾਤਰਾ 'ਤੇ ਜਾਣਗੇ ਅਤੇ ਇਸੇ ਸਮੇਂ ਵਿਚ ਧਰਤੀ 'ਤੇ ਵਾਪਸ ਆਉਣਗੇ।
ਕੈਨੇਡੀਅਨ ਪੁਲਾੜ ਯਾਤਰੀ ਹੈਨਸਨ ਨਾਲ ਜਾਣ ਵਾਲੇ ਹੋਰ ਉਨ੍ਹਾਂ ਦੇ ਸਾਥੀਆਂ ਵਿਚ ਨਾਸਾ ਦੇ ਤਿੰਨ ਪੁਲਾੜ ਯਾਤਰੀ ਰੀਡ ਵਾਈਜ਼ਮੈਨ, ਵਿਕਟਰ ਗਲੋਵਰ ਅਤੇ ਕ੍ਰਿਸਟੀਨਾ ਕੋਚ ਹਨ। ਇਹ ਚੰਦਰਮਾ 'ਤੇ ਨਹੀਂ ਉਤਰਨਗੇ, ਹਾਲਾਂਕਿ ਉਹ 1972 ਵਿਚ ਅਪੋਲੋ ਮਿਸ਼ਨ ਤੋਂ ਬਾਅਦ ਲੋਅ ਅਰਥ ਔਰਬਿਟ ਤੋਂ ਬਾਹਰ ਯਾਤਰਾ ਕਰਨ ਵਾਲਾ ਕਰੂ ਹੋਵੇਗਾ।
ਮਿਸ਼ਨ ਕਮਾਂਡਰ ਵਾਈਜ਼ਮੈਨ ਨੇ ਕਿਹਾ ਕਿ ਟੀਮ ਨੇ ਸਪੇਸ ਕ੍ਰਾਫਟ ਦਾ ਨਾਮ "ਇੰਟੀਗ੍ਰਿਟੀ" ਰੱਖਿਆ ਹੈ, ਇਹ ਪੁਲਾੜ ਯਾਨ ਘਰ ਦੇ ਰੂਪ ਵਿਚ ਕੰਮ ਕਰੇਗਾ। ਨਾਸਾ ਦਾ ਕਹਿਣਾ ਸੀ ਕਿ ਲੌਂਚ ਵਿੰਡੋ ਫਰਵਰੀ 2026 ਦੇ ਸ਼ੁਰੂ ਵਿਚ ਖੁੱਲ੍ਹ ਸਕਦੀ ਹੈ। ਇਸ ਮਿਸ਼ਨ ਦਾ ਉਦੇਸ਼ ਭਵਿੱਖ ਵਿਚ ਚੰਦਰਮਾ 'ਤੇ ਉਤਰਨ ਲਈ ਇੱਕ ਆਧਾਰ ਤਿਆਰ ਕਰਨ ਦੇ ਮੱਦੇਨਜ਼ਰ ਰਾਕੇਟ ਅਤੇ ਸਪੇਸ ਕ੍ਰਾਫਟ ਦੇ ਸਿਸਟਮ ਦੀ ਜਾਂਚ ਕਰਨਾ ਹੈ।
