24.51C Vancouver 24.51C VancouverAug 23, 2021 9:38 AM -
ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਅੱਜ ਸੋਮਵਾਰ ਨੂੰ, ਕਨਾਟ ਪਲੇਸ ਵਿੱਚ, ਭਾਰਤ ਦੇ ਪਹਿਲੇ ਧੂੰਏਂ ਦੇ ਟਾਵਰ ਦੀ ਘੁੰਢ-ਚੁਕਾਈ ਕੀਤੀ।
ਪ੍ਰੋਗਰਾਮ ਵਿੱਚ ਬੋਲਦਿਆਂ ਕੇਜਰੀਵਾਲ ਨੇ ਆਖਿਆ,"ਪ੍ਰਦੂਸ਼ਣ ਨਾਲ ਲੜਨ ਲਈ, ਅਸੀਂ ਦਿੱਲੀ ਵਿੱਚ, ਅੱਜ ਪਹਿਲਾਂ ਧੂੰਏਂ ਦਾ ਟਾਵਰ ਲਾਇਆ ਹੈ। ਇਹ ਤਕਨੀਕ ਅਮਰੀਕਾ ਤੋਂ ਲਿਆਂਦੀ ਗਈ ਹੈ, ਇਹ 24 ਮੀਟਰ ਲੰਮਾ ਟਾਵਰ, ਇੱਕ ਕਿਲੋਮੀਟਰ ਤੱਕ ਦੇ ਦਾਇਰੇ ਤੱਕ ਹਵਾ ਨੂੰ ਸਾਫ਼ ਕਰੇਗਾ, ਇਹ ਹਵਾ ਨੂੰ ਉੱਤੋਂ ਲਿਆ ਕੇ ਹੇਠਾਂ ਵੱਲ ਛੱਡੇਗਾ ਅਤੇ ਫ਼ੀ (ਪ੍ਰਤੀ) ਸੈਕਿੰਡ ਵਿੱਚ ਇਹ 1000 ਵਰਗ ਮੀਟਰ ਹਵਾ ਛੱਡੇਗਾ।
"ਇਸਨੂੰ ਪ੍ਰਯੋਗਤਮਕ ਅਧਾਰ 'ਤੇ ਲਾਇਆ ਗਿਆ ਹੈ ਅਤੇ ਦੋ ਸਾਲਾਂ ਤੱਕ ਇਸਦਾ ਡਾਟਾ ਆਈਆਈਟੀ ਦਿੱਲੀ ਅਤੇ ਆਈਆਈਟੀ ਬੌਮਬੇ ਵੱਲੋਂ ਜਾਂਚਿਆ ਜਾਵੇਗਾ ਅਤੇ ਉਸੇ ਅਧਾਰ 'ਤੇ ਇਸਦੇ ਨਤੀਜੇ ਸਾਂਝੇ ਕੀਤੇ ਜਾਣਗੇ, ਅਸੀਂ ਰਾਜਧਾਨੀ ਵਿੱਚ ਹੋਰ ਟਾਵਰ ਲਾਵਾਂਗੇ,"ਕੇਜਰੀਵਾਲ ਨੇ ਅੱਗੇ ਆਖਿਆ।
ਮੁੱਖ ਮੰਤਰੀ ਨੇ ਇਹ ਵੀ ਆਖਿਆ ਕਿ ਆਈਆਈਟੀ-ਦਿੱਲੀ ਅਤੇ ਆਈਆਈਟੀ-ਮੁੰਬਈ ਦੀ ਨਿਗਰਾਨੀ ਹੇਠ, ਇਹ ਟਾਵਰ ਦਿੱਲੀ ਸਰਕਾਰ ਨੇ ਟਾਟਾ ਕੰਸਲਟੈਂਸੀ ਅਤੇ ਨੈਸ਼ਨਲ ਬਿਲਡਿੰਗਸ ਕੰਸਟ੍ਰਕਸ਼ਨ ਕੌਰਪੋਰੇਸ਼ਨ ਲਿਮਿਟਿਡ (ਐੱਨਬੀਸੀਸੀ) ਦੇ ਸਹਿਯੋਗ ਨਾਲ ਉਸਾਰਿਆ ਹੈ।
ਉਹਨਾਂ ਇਸ ਗੱਲ ਵੱਲ ਵੀ ਇਸ਼ਾਰਾ ਕੀਤਾ ਕਿ ਸਾਲ 2014 ਤੋਂ ਉਹਨਾਂ ਦੀ ਸਰਕਾਰ ਦੀਆਂ ਕੋਸ਼ਿਸ਼ਾਂ ਨਾਲ ਪ੍ਰਦੂਸ਼ਣ ਦਾ ਪੱਧਰ ਘਟਿਆ ਹੈ।
"ਹੁਣ ਬਰੀਕ ਕਣ ਪਦਾਰਥ (ਪੀਐੱਮ) 2.5 ਅਤੇ ਪੀਐੱਮ 10 ਵੀ ਖ਼ਾਸ ਤੌਰ 'ਤੇ ਹੇਠਾਂ ਆ ਗਏ ਹਨ। ਸਾਲ 2014 ਵਿੱਚ ਪੀਐੱਮ 2.5 ਤਕਰੀਬਨ 150 ਸੀ ਅਤੇ ਘਟ ਕੇ 100 ਹੋ ਚੁੱਕਾ ਹੈ ਅਤੇ ਪੀਐੱਮ 10 ਤਕਰੀਬਨ 300 ਸੀ, ਜੋ ਹੁਣ ਘਟ ਕੇ 150 ਹੋ ਚੁੱਕਾ ਹੈ। ਦਿੱਲੀ ਦੇ ਲੋਕਾਂ ਦੇ ਸਹਿਯੋਗ ਨਾਲ ਕਈ ਕਦਮ ਚੁੱਕੇ ਗਏ ਹਨ,"ਉਨ੍ਹਾਂ ਅੱਗੇ ਆਖਿਆ।
