18.44C Vancouver 18.44C VancouverMar 7, 2024 8:19 PM - The Canadian Press
ਕੈਨੇਡਾ ਦੀ ਰਾਜਧਾਨੀ ਓਟਵਾ ਵਿਚ ਵਾਪਰੀ ਕਤਲ ਦੀ ਵਾਰਦਾਤ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਬੈਰਹਾਵਨ ਇਲਾਕੇ ਦੇ ਘਰ ਵਿਚ ਬੁੱਧਵਾਰ ਰਾਤ ਵਾਪਰੀ ਇਸ ਘਟਨਾ ਵਿਚ ਢਾਈ ਮਹੀਨੇ ਦੀ ਮਾਸੂਮ ਬੱਚੀ ਵੀ ਮਾਰੀ ਗਈ।
ਇਹ ਪਰਿਵਾਰ ਮੂਲ ਰੂਪ ਤੋਂ ਸ਼੍ਰੀਲੰਕਾ ਦਾ ਰਹਿਣਾ ਵਾਲਾ ਸੀ ਅਤੇ ਕੈਨੇਡਾ ਵਿਚ ਨਵਾਂ ਸੀ ਤੇ ਬੱਚੀ ਦਾ ਜਨਮ ਵੀ ਇੱਥੇ ਹੋਇਆ ਸੀ। ਪੁਲਿਸ ਨੇ ਇਸ ਕਤਲੇਆਮ ਦੇ ਸਬੰਧ ਵਿਚ 19 ਸਾਲਾ ਮੁਲਜ਼ਮ ਫੇਬਰਿਓ ਡੀ-ਜ਼ੋਇਸਾ ਨੂੰ ਫਸਟ ਡਿਗਰੀ ਮਰਡਰ ਦੇ 6 ਦੋਸ਼ਾਂ ਨਾਲ ਚਾਰਜ ਕੀਤਾ ਹੈ, ਜੋ ਸ਼੍ਰੀਲੰਕਾਈ ਨਾਗਰਿਕ ਹੈ ਅਤੇ ਉਹ ਕੈਨੇਡਾ ਵਿਚ ਸਟੂਡੈਂਟ ਵਜੋਂ ਰਹਿ ਰਿਹਾ ਸੀ।
ਮੁਲਜ਼ਮ ਨੇ ਪੂਰੀ ਵਾਰਦਾਤ ਨੂੰ ਤੇਜ਼ਧਾਰ ਹਥਿਆਰ ਨਾਲ ਅੰਜਾਮ ਦਿੱਤਾ। ਪੁਲਿਸ ਨੇ ਕਿਹਾ ਕਿ ਮ੍ਰਿਤਕਾਂ ਵਿਚ 35 ਸਾਲਾ ਮਾਂ ਅਤੇ ਉਸ ਦੇ 4 ਬੱਚਿਆਂ ਤੋਂ ਇਲਾਵਾ 6ਵਾਂ 40 ਸਾਲਾ ਮ੍ਰਿਤਕ ਵੀ ਪਰਿਵਾਰ ਦਾ ਜਾਣਕਾਰ ਸੀ। ਉੱਥੇ ਹੀ, ਮ੍ਰਿਤਕ ਔਰਤ ਦਾ ਪਤੀ ਗੰਭੀਰ ਜ਼ਖ਼ਮੀ ਹਾਲਤ ਵਿਚ ਹਸਪਤਾਲ ਵਿਚ ਦਾਖ਼ਲ ਹੈ। ਦਿਲ ਨੂੰ ਝਿੰਜੋੜ ਦੇਣ ਵਾਲੀ ਇਹ ਘਟਨਾ ਰਾਜਧਾਨੀ ਓਟਵਾ ਦੇ ਬੈਰਹਾਵਨ ਇਲਾਕੇ ਵਿਚ ਰਾਤ ਕਰੀਬ 11 ਵਜੇ ਵਾਪਰੀ।
ਓਟਵਾ ਦੇ ਮੇਅਰ ਮਾਰਕ ਸਟਕਲਿਫ ਨੇ ਇੱਕ ਸੋਸ਼ਲ ਮੀਡੀਆ ਪੋਸਟ ਵਿਚ ਕਿਹਾ ਕਿ ਇਹ ਸਾਡੇ ਸ਼ਹਿਰ ਦੇ ਇਤਿਹਾਸ ਵਿਚ ਹਿੰਸਾ ਦੀ ਸਭ ਤੋਂ ਘਿਨੌਣੀ ਘਟਨਾ ਹੈ।
