ਪਾਕਿਸਤਾਨ ਦੀ ਰਾਜਨੀਤੀ ’ਚ ਆਸਿਫਾ ਭੁੱਟੋ ਦੀ ਐਂਟਰੀ, ਪਿਓ ਵੱਲੋਂ ਛੱਡੀ ਸੀਟ ਤੋਂ ਭਰੀ ਨਾਮਜ਼ਦਗੀ

ਪਾਕਿਸਤਾਨ ਦੇ ਰਾਸ਼ਟਰਪਤੀ ਆਸਿਫ ਅਲੀ ਜ਼ਰਦਾਰੀ ਦੀ ਛੋਟੀ ਬੇਟੀ ਆਸਿਫਾ ਅਲੀ ਜ਼ਰਦਾਰੀ ਨੇ ਵੀ ਰਾਜਨੀਤੀ ਵਿਚ ਐਂਟਰੀ ਕਰ ਲਈ ਹੈ। ਆਸਿਫਾ ਆਪਣੇ ਪਿਤਾ ਰਾਸ਼ਟਰਪਤੀ ਆਸਿਫ ਅਲੀ ਜ਼ਰਦਾਰੀ ਵਲੋਂ ਖਾਲੀ ਕੀਤੀ ਸੀਟ ਤੋਂ ਚੋਣ ਲੜੇਗੀ।

31 ਸਾਲਾ ਆਸਿਫਾ ਨੇ ਸਿੰਧ ਦੀ ਸ਼ਹੀਦ ਬੇਂਜ਼ੀਰਾਬਾਦ ਸੀਟ ਤੋਂ ਆਪਣਾ ਨਾਮਜ਼ਦਗੀ ਪੱਤਰ ਦਾਖਲ ਕੀਤਾ ਹੈ। ਅੱਠ ਦਿਨ ਪਹਿਲਾਂ 11 ਮਾਰਚ ਨੂੰ ਉਹ ਪਾਕਿਸਤਾਨ ਦੀ ਪਹਿਲੀ ਮਹਿਲਾ ਬਣਾਈ ਗਈ ਸੀ। ਇਹ ਅਹੁਦਾ ਆਮ ਤੌਰ ’ਤੇ ਰਾਸ਼ਟਰਪਤੀ ਦੀ ਪਤਨੀ ਦਾ ਹੁੰਦਾ ਹੈ ਪਰ ਜ਼ਰਦਾਰੀ ਨੇ ਇਸ ਪਰੰਪਰਾ ਨੂੰ ਤੋੜਦੇ ਹੋਏ ਆਪਣੀ ਧੀ ਨੂੰ ਪਹਿਲੀ ਮਹਿਲਾ ਨਿਯੁਕਤ ਕੀਤਾ।

ਜ਼ਰਦਾਰੀ ਦੀ ਪਤਨੀ ਅਤੇ ਮੰਤਰੀ ਬੇਨਜੀਰ ਭੁੱਟੀ ਦੀ 2007 ਵਿਚ ਹੱਤਿਆ ਹੋ ਗਈ ਸੀ ਜੋ ਪਾਕਿਸਤਾਨ ਦੀ ਪਹਿਲੀ ਮਹਿਲਾ ਪ੍ਰਧਾਨ ਸੀ। ਆਸਿਫਾ ਦਾ ਵੱਡਾ ਭਰਾ ਬਿਲਾਵੱਲ ਭੁੱਟੋ ਪਾਕਿਸਤਾਨ ਦਾ ਸਾਬਕਾ ਵਿਦੇਸ਼ ਮੰਤਰੀ ਰਹਿ ਚੁੱਕਾ ਹੈ ਅਤੇ ਮੌਜੂਦਾ ਸਮੇਂ ਉਹ ਪਾਕਿਸਤਾਨ ਪੀਪੁਲਜ਼ ਪਾਰਟੀ ਦੇ ਪ੍ਰਧਾਨ ਹਨ। ਉੱਪ ਚੋਣ ਵਿਚ ਆਸਿਫਾ ਜ਼ਰਦਾਰੀ ਦੀ ਜਿੱਤ ਲਗਭਗ ਤੈਅ ਮੰਨੀ ਜਾ ਰਹੀ ਹੈ, ਇਹ ਇਲੈਕਸ਼ਨ 21 ਅਪ੍ਰੈਲ ਨੂੰ ਹੋਣੀ ਹੈ।