14.18C Vancouver 14.18C VancouverJul 6, 2022 12:50 AM - The Canadian Press
ਅਸੈਂਬਲੀ ਆਫ ਫਰਸਟ ਨੇਸ਼ਨਸ ਸਾਹਮਣੇ ਨੈਸ਼ਨਲ ਚੀਫ਼, ਰੋਜ਼ੈਨ ਆਰਚੀਬਾਲਡ ਦੀ ਸਸਪੈਂਸ਼ਨ ਲਈ ਪੇਸ਼ ਕੀਤਾ ਗਿਆ ਰੈਜ਼ੋਲਿਊਸ਼ਨ ਰੱਦ ਕਰ ਦਿੱਤਾ ਗਿਆ ਹੈ।
ਇਸ ਰੈਜ਼ੋਲਿਊਸ਼ਨ 'ਚ ਕਿਹਾ ਗਿਆ ਸੀ ਕਿ ਆਰਚੀਬਾਲਡ ਨੇ ਕੁਝ ਸ਼ਿਕਾਇਤਾਂ ਸੰਬੰਧੀ ਗੁਪਤ ਜਾਣਕਾਰੀ ਲੀਕ ਕੀਤੀ ਸੀ ਅਤੇ ਇਸ ਕਾਰਨ ਅਸੈਂਬਲੀ ਦੀ ਸ਼ਿਕਾਇਤ ਸੰਬੰਧੀ ਪ੍ਰੀਕਿਰਿਆ ਦੀ ਇਮਾਨਦਾਰੀ 'ਤੇ ਸਵਾਲ ਉੱਠੇ ਸਨ।
ਇਸ ਵੋਟਿੰਗ 'ਚ 60% ਐਲੀਜੀਬਲ ਡੈਲੀਗੇਟਸ ਦਾ ਐਪਰੂਵਲ ਚਾਹੀਦਾ ਸੀ ਪਰ ਰੈਜ਼ੋਲਿਊਸ਼ਨ ਫੇਲ੍ਹ ਹੋ ਗਿਆ।
ਇਸ ਤੋਂ ਬਾਅਦ ਰੋਜ਼ੈਨ ਆਰਚੀਬਾਲਡ ਨੇ ਸੰਗਠਨ ਦੀ ਸਾਲਾਨਾ ਅਸੈਂਬਲੀ ਨੂੰ ਸੰਬੋਧਤ ਕੀਤਾ ਅਤੇ ਸਵੇਰ ਦੀ ਤਰ੍ਹਾਂ ਇੱਕ ਵਾਰ ਫਿਰ ਕਿਹਾ ਕਿ ਏ.ਐਫ.ਐਨ. ਦਾ ਫੋਰੈਂਸਿਕ ਔਡਿਟ ਹੋਣਾ ਚਾਹੀਦਾ ਹੈ।
ਯਾਦ ਰਹੇ ਵੈਨਕੂਵਰ ਦੇ ਵਿੱਚ 43ਵੀਂ ਸਾਲਾਨਾ ਅਸੈਂਬਲੀ ਆਫ ਫਰਸਟ ਨੇਸ਼ਨਸ ਜਾਰੀ ਹੈ।
ਇਸ ਦੌਰਾਨ ਦੇਸ਼ ਭਰ ਦੇ ਚੀਫ਼ ਇਕੱਤਰ ਹੋਏ ਹਨ।
ਯਾਦ ਰਹੇ ਨੈਸ਼ਨਲ ਚੀਫ਼ ਰੋਜ਼ੈਨ ਆਰਚੀਬਾਲਡ ਨੂੰ ਜੂਨ ਦੇ ਮੱਧ 'ਚ ਸਸਪੈਂਡ ਕਰ ਦਿੱਤਾ ਗਿਆ ਸੀ।
ਉਨ੍ਹਾਂ ਦੇ ਸਟਾਫ਼ ਵੱਲੋਂ ਲਗਾਏ ਗਏ ਕੁਝ ਇਲਜਾਮਾਂ ਤੋਂ ਬਾਅਦ ਇਹ ਫੈਸਲਾ ਲਿਆ ਗਿਆ ਸੀ।
