13.93C Vancouver 13.93C VancouverJun 24, 2020 4:10 PM -
ਨਵੇਂ ਅੰਕੜਿਆਂ ਮੁਤਾਬਕ ਕੈਨੇਡਾ ਅਤੇ ਅਮਰੀਕਾ ਦਾ ਬਾਰਡਰ ਬੰਦ ਹੋਣ ਦੇ ਬਾਵਜੂਦ ਮਈ ਮਹੀਨੇ ਵਿੱਚ ਆਰ.ਸੀ.ਐਮ.ਪੀ. ਵੱਲੋਂ ਬਾਰਡਰ ਪਾਰ ਕਰਨ ਦੀ ਕੋਸ਼ਿਸ਼ ਕਰ ਰਹੇ 21 ਵਿਅਕਤੀਆਂ ਨੂੰ ਫੜਿਆ ਗਿਆ।
ਕੋਵਿਡ-19 ਦੇ ਫੈਲਾਅ ਨੂੰ ਠੱਲ ਪਾਉਣ ਦੇ ਯਤਨਾਂ ਅਧੀਨ ਅਮਰੀਕਾ ਅਤੇ ਕੈਨੇਡਾ ਵੱਲੋਂ ਗੈਰ ਜ਼ਰੂਰੀ ਯਾਤਰਾ ਵਾਸਤੇ ਬਾਰਡਰ ਬੰਦ ਕਰ ਦਿੱਤਾ ਗਿਆ ਸੀ ਅਤੇ ਅਪਰੈਲ ਵਿੱਚ 6 ਵਿਅਕਤੀਆਂ ਨੂੰ ਪੁਲੀਸ ਨੇ ਬਾਰਡਰ ਉੱਤੇ ਫੜਿਆ।
ਇਮੀਗ੍ਰੇਸ਼ਨ, ਰਫਿਊਜੀਜ਼ ਐਂਡ ਸਿਟੀਜ਼ਨਸ਼ਿਪ ਕੈਨੇਡਾ ਮੁਤਾਬਕ ਮਈ ਮਹੀਨੇ ਵਿੱਚ ਕੈਨੇਡਾ ਵਿੱਚ 1,390 ਵਿਅਕਤੀਆਂ ਨੇ ਅਸਾਇਲਮ ਲਈ ਅਰਜ਼ੀਆਂ ਦਰਜ ਕੀਤੀਆਂ ਅਤੇ ਅਪਰੈਲ ਵਿੱਚ 1,570 ਲੋਕਾਂ ਨੇ ਅਸਾਈਲਮ ਲਈ ਅਰਜ਼ੀਆਂ ਦਿੱਤੀਆਂ।
2017 ਤੋਂ ਤਕਰੀਬਨ 57,000 ਵਿਅਕਤੀ ਗ਼ੈਰ ਸਰਕਾਰੀ ਐਂਟਰੀ ਪੁਆਇੰਟਸ ਦੀ ਵਰਤੋਂ ਕਰ ਕੈਨੇਡਾ ਅਤੇ ਅਮਰੀਕਾ ਦਾ ਬਾਰਡਰ ਪਾਰ ਕਰ ਚੁੱਕੇ ਹਨ।
ਇਨ੍ਹਾਂ ਵਿੱਚੋਂ ਵੱਡੀ ਗਿਣਤੀ ਵਿੱਚ ਕਿਊਬੈਕ ਗਏ ਅਤੇ ਅਰਜ਼ੀਆਂ ਦੇ ਨਤੀਜੇ ਦੀ ਉਡੀਕ ਦੌਰਾਨ ਹੈਲਥ ਕੇਅਰ ਵਿੱਚ ਕੰਮ ਕਰਨ ਲੱਗੇ।
ਕੋਵਿਡ-19 ਨੂੰ ਠੱਲ ਪਾਉਣ ਲਈ ਹੁਣ ਉਨ੍ਹਾਂ ਦਾ ਕੰਮ ਇਸੈਂਸ਼ਲ ਮੰਨਿਆ ਜਾਂਦਾ ਹੈ ਅਤੇ ਫੈਡਰਲ ਅਤੇ ਕਿਊਬੈਕ ਸਰਕਾਰ ਵੱਲੋਂ ਅਸਾਇਲਮ ਲੈਣ ਦੀ ਇੱਛਾ ਰੱਖ ਰਹੇ ਲੋਕਾਂ ਲਈ ਪਰਮਾਨੈਂਟ ਰੈਜ਼ੀਡੈਂਸੀ ਮੁਹੱਈਆ ਕਰਵਾਉਣ ਦੇ ਪ੍ਰੋਗਰਾਮ ਬਾਰੇ ਵਿਚਾਰ ਕੀਤਾ ਜਾ ਰਿਹਾ ਹੈ।
