11.4C Vancouver 11.4C VancouverNov 30, 2022 8:16 PM - Connect News
ਬੀ.ਸੀ. 'ਚ ਅਕਤੂਬਰ ਮਹੀਨੇ ਤੱਕ ਦੇ ਓਵਰਡੋਜ਼ ਸੰਬੰਧੀ ਮੌਤਾਂ ਦੇ ਅੰਕੜੇ ਸਾਂਝੇ ਕੀਤੇ ਗਏ ਹਨ।
ਬੀ.ਸੀ. ਕੋਰੋਨਰ ਆਫਿਸ ਨੇ ਜਾਣਕਾਰੀ ਦਿੱਤੀ ਹੈ ਕਿ ਸਾਲ 2022 ਦੇ ਅਕਤੂਬਰ ਮਹੀਨੇ ਵਿੱਚ 179 ਲੋਕਾਂ ਨੇ ਓਵਰਡੋਜ਼ ਕਾਰਨ ਜਾਨ ਗਵਾ ਦਿੱਤੀ।
ਔਸਤ ਅਨੁਸਾਰ ਅਕਤੂਬਰ ਦੇ ਮਹੀਨੇ 'ਚ ਹਰ ਰੋਜ 6 ਦੇ ਕਰੀਬ ਲੋਕਾਂ ਨੇ ਓਵਰਡੋਜ਼ ਕਾਰਨ ਜਾਨ ਗਵਾ ਦਿੱਤੀ।
ਇਸ ਤੋਂ ਪਹਿਲਾਂ ਸਿਤੰਬਰ ਦੇ ਮਹੀਨੇ 'ਚ ਓਵਰਡੋਜ਼ ਸੰਬੰਧੀ ਮੌਤਾਂ ਦੀ ਗਿਣਤੀ 171 ਦੱਸੀ ਗਈ ਸੀ।
ਅੰਕੜੇ ਦਰਸ਼ਾਉਂਦੇ ਸਨ ਕਿ ਪਹਿਲੇ 10 ਮਹੀਨਿਆਂ ਵਿਚਾਲੇ ਸੂਬੇ ਦੇ 1,800 ਤੋਂ ਵਧੇਰੇ ਲੋਕ ਓਵਰਡੋਜ਼ ਕਾਰਨ ਜਾਨ ਗਵਾ ਚੁੱਕੇ ਹਨ।
ਇਸ ਤੋਂ ਪਹਿਲਾਂ ਮਈ 'ਚ 197, ਜੂਨ 'ਚ 146, ਜੁਲਾਈ 'ਚ 192 ਅਤੇ ਅਗਸਤ 'ਚ 169 ਮੌਤਾਂ ਦਰਜ ਕੀਤੀਆਂ ਗਈਆਂ ਸਨ।
ਔਸਤ ਅਨੁਸਾਰ ਇਸ ਸਾਲ ਹਰ ਮਹੀਨੇ ਬੀ.ਸੀ. 'ਚ ਓਵਰਡੋਜ਼ ਸੰਬੰਧੀ 180 ਤੋਂ ਵੱਧ ਮੌਤਾਂ ਦਰਜ ਕੀਤੀਆਂ ਗਈਆਂ ਹਨ।
ਇਸ ਸਾਲ ਹੁਣ ਤਕ ਜਾਨ ਗਵਾਉਣ ਵਾਲਿਆਂ 'ਚ 70% ਗਿਣਤੀ 30 ਤੋਂ 59 ਸਾਲ ਵਿਚਾਲੇ ਦੇ ਲੋਕਾਂ ਦੀ ਦੱਸੀ ਗਈ ਹੈ।
ਇਸ 'ਚ 78% ਲੋਕ ਪੁਰੁਸ਼ ਸਨ। ਇਸ ਸਾਲ ਹੁਣ ਤਕ ਫਰੇਜ਼ਰ ਹੈਲਥ ਅਤੇ ਵੈਨਕੂਵਰ ਕੋਸਟਲ ਹੈਲਥ ਅਥਾਰਿਟੀਸ 'ਚ ਸਭ ਤੋਂ ਵੱਧ ਓਵਰਡੋਜ਼ ਸੰਬੰਧੀ ਮੌਤਾਂ ਦਰਜ ਕੀਤੀਆਂ ਗਈਆਂ ਹਨ। ਫਰੇਜ਼ਰ ਹੈਲਥ 'ਚ 547 ਅਤੇ ਵੈਨਕੂਵਰ ਕੋਸਟਲ ਹੈਲਥ 'ਚ 511 ਓਵਰਡੋਜ਼ ਸੰਬੰਧੀ ਮੌਤਾਂ ਦਰਜ ਕੀਤੀਆਂ ਗਈਆਂ ਹਨ।
ਯਾਦ ਰਹੇ ਬੀ.ਸੀ. 'ਚ ਸਾਲ 2016 ਤੋਂ ਓਵਰਡੋਜ਼ ਸੰਬੰਧੀ ਐਲਾਨੀ ਗਈ ਪਬਲਿਕ ਹੈਲਥ ਐਮਰਜੈਂਸੀ ਤੋਂ ਬਾਅਦ 10,000 ਲੋਕ ਇਸ ਓਵਰਡੋਜ਼ ਸੰਬੰਧੀ ਕਾਰਨਾਂ ਦੇ ਚਲਦਿਆਂ ਜਾਨ ਗਵਾ ਚੁੱਕੇ ਹਨ।
ਸ਼ਹਿਰਾਂ ਅਨੁਸਾਰ ਓਵਰਡੋਜ਼ ਸੰਬੰਧੀ ਮੌਤਾਂ ਦੀ ਸਭ ਤੋਂ ਵਧ ਗਿਣਤੀ ਵੈਨਕੂਵਰ, ਸਰੀ ਅਤੇ ਗ੍ਰੇਟਰ ਵਿਕਟੋਰੀਆ 'ਚ ਵੇਖਣ ਨੂੰ ਮਿਲੀ ਹੈ।
