20.12C Vancouver 20.12C VancouverNov 6, 2023 6:49 PM - The Canadian Press
ਨਾਈਜੀਰੀਆ ਸਥਿਤ ਕੈਨੇਡੀਅਨ ਹਾਈ ਕਮਿਸ਼ਨ ਵਿੱਚ ਸੋਮਵਾਰ ਨੂੰ ਇੱਕ ਧਮਾਕੇ ਵਿੱਚ 1 ਦੀ ਮੌਤ ਹੋ ਗਈ ਅਤੇ ਦੋ ਹੋਰ ਹਸਪਤਾਲ ਵਿੱਚ ਦਾਖ਼ਲ ਕਰਵਾਏ ਗਏ।
ਇਹ ਘਟਨਾ ਨਾਈਜੀਰੀਆ ਦੀ ਰਾਜਧਾਨੀ ਅਬੂਜਾ ਵਿੱਚ ਵਾਪਰੀ। ਫਾਇਰ ਸਰਵਿਸ ਮੁਤਾਬਕ, ਜਨਰੇਟਰ ਬਿਲਡਿੰਗ ਦੇ ਅੰਦਰ ਮੌਜੂਦ ਇੱਕ ਟੈਂਕਰ ਵਿੱਚ ਧਮਾਕਾ ਹੋਇਆ, ਜਿਸ ਵਿੱਚ ਜਨਰੇਟਰ ਮੈਨੇਜਿੰਗ ਕੰਪਨੀ ਲਈ ਕੰਮ ਕਰਦੇ ਵਿਅਕਤੀ ਦੀ ਮੌਤ ਹੋ ਗਈ। ਦੋ ਹੋਰ ਜ਼ਖਮੀ ਹੋਏ ਲੋਕ ਬਿਲਡਿੰਗ ਦੇ ਬਾਹਰ ਸਨ।
ਫਾਇਰ ਸਰਵਿਸ ਦੀ ਅਧਿਕਾਰੀ ਵਿੱਚ ਮਰਸੀ ਡਗਲਸ ਨੇ ਦੱਸਿਆ ਕਿ ਡਿਪਾਰਟਮੈਂਟ ਨੂੰ ਸਵੇਰੇ ਕਰੀਬ 11.55 ਵਜੇ ਸਿਟੀ ਦੀ ਕੇਂਦਰੀ ਵਪਾਰਕ ਜ਼ਿਲ੍ਹਾ ਵਿੱਚ ਡਿਪਲੋਮੈਟਿਕ ਡਰਾਈਵ 'ਤੇ ਸਥਿਤ ਬਿਲਡਿੰਗ ਵਿੱਚ ਟੈਂਕਰ ਧਮਾਕਾ ਦੀ ਰਿਪੋਰਟ ਮਿਲੀ।
ਫਾਇਰ ਸਰਵਿਸ ਨੇ ਅੱਗ 'ਤੇ ਜਲਦ ਪਹੁੰਚ ਕੇ ਕਾਬੂ ਪਾਇਆ ਅਤੇ ਦੁਪਹਿਰ 1 ਵਜੇ ਤੱਕ ਉਹ ਸਟੇਸ਼ਨ 'ਤੇ ਵਾਪਸ ਆ ਗਏ।
ਫਿਲਹਾਲ ਡਗਲਸ ਨੇ ਇਹ ਪੁਸ਼ਟੀ ਨਹੀਂ ਕੀਤੀ ਕਿ ਮ੍ਰਿਤਕਾਂ ਜਾ ਜ਼ਖਮੀਆਂ ਵਿਚ ਕੋਈ ਕੈਨੇਡੀਅਨ ਸੀ ਜਾਂ ਨਹੀਂ, ਉਥੇ ਹੀ ਗਲੋਬਲ ਅਫੇਅਰਜ਼ ਕੈਨੇਡਾ ਦੀ ਇਸ 'ਤੇ ਅਜੇ ਕੋਈ ਟਿੱਪਣੀ ਨਹੀਂ ਆਈ ਹੈ।
