ਐਲਬਰਟਾ ਦੇ ਅਥਾਬਾਸਕਾ ਤੋਂ ਵੱਡੀ ਗਿਣਤੀ 'ਚ ਚੋਰੀ ਦੇ ਵਾਹਨ ਜ਼ਬਤ

ਐਲਬਰਟਾ ਦੇ ਪੇਂਡੂ ਇਲਾਕੇ ਅਥਾਬਾਸਕਾ ਵਿਚ ਪੁਲਿਸ ਨੇ GPS ਦੀ ਮਦਦ ਨਾਲ ਚੋਰੀ ਦੇ ਕਈ ਵਾਹਨ ਜ਼ਬਤ ਕੀਤੇ ਹਨ, ਜਿਨ੍ਹਾਂ ਨੂੰ ਥੋੜ੍ਹਾ-ਬਹੁਤਾ ਬਦਲ ਕੇ ਮੁੜ ਵੇਚਿਆ ਜਾਣਾ ਸੀ। ਸਿਪਾਹੀ ਕੋਰੀ ਰਿਗਸ ਨੇ ਜਾਣਕਾਰੀ ਦਿੱਤੀ ਕਿ GPS ਟਰੈਕਿੰਗ ਦੀ ਮਦਦ ਨਾਲ ਉਨ੍ਹਾਂ ਨੇ ਕਈ ਮਿਲੀਅਨ ਡੌਲਰਜ਼ ਦੀ ਪ੍ਰੋਪਰਟੀ ਨੂੰ ਬਚਾ ਲਿਆ।

ਉਨ੍ਹਾਂ ਦੱਸਿਆ ਕਿ ਇਹ ਗੈਰ-ਕਾਨੂੰਨੀ ਕਾਰਵਾਈ ਇਕ ਦੁਕਾਨ ਵਿਚ ਚੱਲਦੀ ਸੀ। ਵੱਡੀ ਗਿਣਤੀ ਵਿਚ ਕਈ ਵਿਭਾਗਾਂ ਦੇ ਔਫੀਸਰਜ਼ ਜਦ ਇੱਥੇ ਗਏ ਤਾਂ ਉਨ੍ਹਾਂ ਦੇਖਿਆ ਕਿ ਇੱਥੇ ਵੱਡੀ ਗਿਣਤੀ ਵਿਚ ਸੈਮੀ ਟਰੱਕ ਅਤੇ ਟਰੇਲਰਜ਼, ਭਾਰੀ ਸਾਮਾਨ ਅਤੇ ਇਸ ਦੇ ਹਿੱਸੇ ਪਏ ਸਨ। ਪੁਲਿਸ ਨੇ ਇੱਥੋਂ 36 ਸਾਲਾ ਕਾਇਲ ਚਾਰਲਸ ਕੁਸ਼ਿੰਗ ਨੂੰ ਹਿਰਾਸਤ ਵਿਚ ਲਿਆ ਹੈ। ਉਸ ਨੂੰ $5,000 ਤੋਂ ਵੱਧ ਦੀ ਪ੍ਰੋਪਰਟੀ ਅਪਰਾਧ ਰਾਹੀਂ ਇਕੱਠੀ ਕਰਨ, ਵਾਹਨਾਂ ਦੇ ਆਈ.ਡੀ. ਨੰਬਰ ਖਰਾਬ ਕਰਨ ਦੇ ਦੋਸ਼ ਵਿਚ ਚਾਰਜ ਕੀਤਾ ਗਿਆ ਹੈ। ਉਹ ਪਹਿਲਾਂ ਵੀ ਅਪਰਾਧਿਕ ਮਾਮਲਿਆਂ ਵਿਚ ਚਾਰਜ ਹੈ।

ਦੱਸਿਆ ਜਾ ਰਿਹਾ ਹੈ ਕਿ ਫੋਰਟ ਮੈਕਮਰੀ ਵਿਚੋਂ ਵਧੇਰੇ ਵਾਹਨ ਚੋਰੀ ਕੀਤੇ ਗਏ ਸਨ। ਉਸ ਨੂੰ 27 ਜਨਵਰੀ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਜਾਣਾ ਹੈ।