6.36C Vancouver 6.36C VancouverDec 3, 2025 1:26 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਦੇ ਐਟਲਾਂਟਿਕ ਸੂਬਿਆਂ ਵਿਚ ਬਰਫੀਲੇ ਮੌਸਮ ਨੇ ਜਨਜੀਵਨ ਨੂੰ ਬੁਰੀ ਤਰ੍ਹਾਂ ਪ੍ਰਭਾਵਿਤ ਕੀਤਾ ਹੈ। ਇਸ ਸੀਜ਼ਨ ਦੀ ਪਹਿਲੀ ਮਹੱਤਵਪੂਰਨ ਬਰਫ਼ਬਾਰੀ ਕਾਰਨ ਪ੍ਰਿੰਸ ਐਡਵਰਡ ਆਈਲੈਂਡ ਭਰ ਵਿਚ ਸਾਰੇ ਸਰਕਾਰੀ ਸਕੂਲ ਬੁੱਧਵਾਰ ਨੂੰ ਬੰਦ ਰੱਖੇ ਗਏ। ਇਸੇ ਤਰ੍ਹਾਂ ਨੋਵਾ ਸਕੋਸ਼ੀਆ ਦੇ ਕਈ ਹਿੱਸਿਆਂ ਵਿਚ ਮੀਂਹ ਅਤੇ ਬਰਫ਼ੀਲੇ ਤੂਫ਼ਾਨ ਨੇ ਦਸਤਕ ਦਿੱਤੀ ਹੈ,ਇੱਥੇ ਵੀ ਕੁਝ ਸਕੂਲ ਬੰਦ ਕਰ ਦਿੱਤੇ ਗਏ ਸਨ ਅਤੇ ਹਜ਼ਾਰਾਂ ਘਰਾਂ ਦੀ ਬਿਜਲੀ ਗੁੱਲ ਰਹੀ।
ਨੋਵਾ ਸਕੋਸ਼ੀਆ ਪਾਵਰ ਆਊਟੇਜ ਮੈਪ ਅਨੁਸਾਰ,ਸੂਬੇ ਭਰ ਵਿਚ ਤਕਰੀਬਨ 19,000 ਤੋਂ ਵੱਧ ਪਰਿਵਾਰ ਬਿਜਲੀ ਤੋਂ ਬਿਨਾਂ ਸਨ। ਇਨਵਾਇਰਮੈਂਟ ਕੈਨੇਡਾ ਮੁਤਾਬਕ,ਨੋਵਾ ਸਕੋਸ਼ੀਆ ਦੇ ਉੱਤਰੀ ਹਿੱਸੇ ਯੈਲੋ ਵਾਰਨਿੰਗ ਵਿਚ ਹਨ,ਜਿੱਥੇ 30 ਸੈਂਟੀਮੀਟਰ ਤੱਕ ਬਰਫ਼ ਪੈਣ ਦੀ ਸੰਭਾਵਨਾ ਹੈ। ਖਾਸ ਤੌਰ 'ਤੇ ਉੱਤਰੀ ਕੇਪ ਬ੍ਰੇਟਨ ਵਿਚ 50 ਸੈਂਟੀਮੀਟਰ ਤੱਕ ਬਰਫ਼ਬਾਰੀ ਦਾ ਖਦਸ਼ਾ ਜਤਾਇਆ ਗਿਆ ਹੈ, ਜਿਸ ਕਾਰਨ ਸਥਾਨਕ ਲੋਕਾਂ ਨੂੰ ਸਾਵਧਾਨ ਰਹਿਣ ਦੀ ਅਪੀਲ ਕੀਤੀ ਗਈ ਹੈ।
ਇਸ ਤੋਂ ਇਲਾਵਾ ਸੂਬੇ ਦੇ ਐਟਲਾਂਟਿਕ ਕੋਸਟ ਵਿਚ 45 ਮਿਲੀਲੀਟਰ ਤੱਕ ਬਾਰਸ਼ ਹੋਈ ਹੈ। ਉਥੇ ਹੀ,ਇਸ ਦੌਰਾਨ ਨਿਊਫਾਊਂਡਲੈਂਡ-ਲੈਬਰਾਡੋਰ ਦੇ ਕੁਝ ਹਿੱਸਿਆਂ ਲਈ ਵੀ ਸਰਦੀਆਂ ਦੇ ਤੂਫਾਨ ਦੀਆਂ ਚੇਤਾਵਨੀਆਂ ਲਾਗੂ ਸਨ ਅਤੇ ਕੁਝ ਹਿੱਸਿਆਂ ਵਿਚ ਸਕੂਲਾਂ ਦੇ ਨਾਲ-ਨਾਲ ਸੇਂਟ ਜੌਨ ਵਿਚ ਸੂਬਾਈ ਸਰਕਾਰੀ ਦਫ਼ਤਰ ਬੰਦ ਕਰ ਦਿੱਤੇ ਗਏ ਸਨ।
