10.87C Vancouver 10.87C VancouverMar 13, 2024 6:59 PM - The Canadian Press
ਕੈਨੇਡਾ ਦੇ ਆਡੀਟਰ ਜਨਰਲ ਨੇ ਸਰਕਾਰੀ ਕੰਟਰੈਕਟਰ ਵਿਚ ਰਿਸ਼ਵਤ ਖਾਣ ਵਾਲੇ ਦੋ ਕਰਮਚਾਰੀਆਂ ਨੂੰ ਨੌਕਰੀ ਤੋਂ ਕੱਢੇ ਜਾਣ ਦੀ ਪੁਸ਼ਟੀ ਕੀਤੀ ਹੈ। ਕੈਰਨ ਹੋਗਨ ਦੇ ਦਫ਼ਤਰ ਦਾ ਕਹਿਣਾ ਹੈ ਕਿ ਇਸ ਮਾਮਲੇ ਵਿਚ ਇੱਕ ਹੋਰ ਕਰਮਚਾਰੀ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ।
ਹਾਲਾਂਕਿ, ਇਹ ਜਾਣਕਾਰੀ ਨਹੀਂ ਦਿੱਤੀ ਗਈ ਕਿ ਇਹ ਕਿਹੜੇ ਕਰਮਚਾਰੀ ਸਨ ਅਤੇ ਕਿਹੜੇ ਵਿਭਾਗ ਨੇ ਇਨ੍ਹਾਂ ਨੂੰ ਜਾਰੀ ਕੀਤਾ ਸੀ। ਆਡੀਟਰ ਜਨਰਲ ਦਫ਼ਤਰ ਦਾ ਕਹਿਣਾ ਹੈ ਕਿ ਉਸ ਨੇ ਪਿਛਲੇ ਸਾਲ ਜੂਨ ਵਿਚ ਅੰਦਰੂਨੀ ਪੜਤਾਲ ਸ਼ੁਰੂ ਕੀਤੀ ਸੀ ਅਤੇ ਇੱਕ ਕੇਸ ਦੀ ਪਛਾਣ ਸਤੰਬਰ ਵਿਚ ਅਤੇ ਦੂਜੇ ਦੀ ਦਸੰਬਰ ਵਿਚ ਹੋਈ।
ਪਹਿਲਾਂ ਇਹ ਦੋਵੇਂ ਮਾਮਲੇ ਇਸ ਸਾਲ ਜਨਵਰੀ ਵਿਚ ਆਰ.ਸੀ.ਐੱਮ.ਪੀ. ਨੂੰ ਸੌਂਪੇ ਗਏ ਸਨ ਪਰ ਆਰ.ਸੀ.ਐੱਮ.ਪੀ. ਦੀ ਸਲਾਹ ’ਤੇ ਇਨ੍ਹਾਂ ਮਾਮਲਿਆਂ ਨੂੰ ਓਟਵਾ ਪੁਲਿਸ ਨੂੰ ਟਰਾਂਸਫਰ ਕਰ ਦਿੱਤਾ ਗਿਆ ਸੀ।
ਹੋਗਨ ਦੇ ਦਫਤਰ ਦਾ ਕਹਿਣਾ ਹੈ ਕਿ ਦੋਵੇਂ ਮਾਮਲੇ ਪੂਰੀ ਤਰ੍ਹਾਂ ਵੱਖਰੇ ਹਨ ਅਤੇ ਨਾ ਹੀ ਇਨ੍ਹਾਂ ਵਿਚੋਂ ਕੋਈ ਕਰਮਚਾਰੀ ਔਡੀਟਰ ਜਾਂ ਮੈਨੇਜਰ ਸੀ।
