14.65C Vancouver 14.65C VancouverSep 1, 2021 8:48 PM -
ਟੋਕਿਓ ਪੈਰਾਲਿੰਪਿਕਸ ਵਿੱਚ ਕੈਨੇਡਾ ਦੇ ਖਾਤੇ 'ਚ ਹੁਣ ਤਕ ਕੁੱਲ 16 ਤਗਮੇ ਆ ਚੁੱਕੇ ਹਨ।
ਇਸ ਦੌਰਾਨ ਕੈਨੇਡਾ ਨੇ 3 ਗੋਲਡ, 8 ਸਿਲਵਰ ਅਤੇ 5 ਕਾਂਸੀ ਦੇ ਤਗਮੇ ਜਿੱਤੇ ਹਨ।
ਹੁਣ ਤਕ ਕੈਨੇਡਾ ਦੀ ਝੋਲੀ ਪਏ 3 ਸੋਨ ਤਗਮਿਆਂ 'ਚ 2 ਤੈਰਾਕੀ ਦੇ ਵਿੱਚ ਹਾਸਿਲ ਹੋਏ ਹਨ।
ਤੈਰਾਕ ਔਰਲੀ ਰਿਵਾਰਡ ਨੇ ਔਰਤਾਂ ਦੀ 100 ਮੀਟਰ ਫ੍ਰੀਸਟਾਈਲ ਐਸ-10 ਸ਼੍ਰੇਣੀ ਤੋਂ ਬਾਅਦ ਬੁੱਧਵਾਰ ਨੂੰ 400 ਮੀਟਰ ਫ੍ਰੀਸਟਾਈਲ ਐਸ-10 ਸ਼੍ਰੇਣੀ 'ਚ ਗੋਲਡ ਮੈਡਲ ਹਾਸਿਲ ਕੀਤਾ।
ਔਰਲੀ ਰਿਵਾਰਡ ਨੇ ਇਸ ਈਵੈਂਟ 'ਚ ਆਪਣਾ ਹੀ ਵਿਸ਼ਵ ਰਿਕਾਰਡ ਤੋੜਦੇ ਹੋਏ ਸੋਨ ਤਗਮਾ ਜਿੱਤਿਆ।
ਖਾਸ ਗੱਲ ਇਹ ਹੈ ਕਿ ਔਰਲੀ ਰਿਵਾਰਡ ਨੇ ਇਸ ਪੈਰਾਲਿੰਪਿਕਸ 'ਚ 2 ਗੋਲਡ ਸਮੇਤ ਕੁੱਲ 4 ਤਗਮੇ ਕੈਨੇਡਾ ਦੀ ਝੋਲੀ ਪਾਏ ਹਨ।
ਬੁੱਧਵਾਰ ਨੂੰ ਇਨ੍ਹਾਂ ਖੇਡਾਂ 'ਚ ਕੈਨੇਡਾ ਨੂੰ 2 ਗੋਲਡ ਅਤੇ ਇੱਕ ਚਾਂਦੀ ਦਾ ਤਗਮਾ ਹਾਸਿਲ ਹੋਇਆ।
ਗ੍ਰੈਗ ਸਟੀਵਰਟ ਨੇ ਅਥਲੈਟਿਕਸ 'ਚ ਪੁਰਸ਼ਾਂ ਦੇ ਸ਼ੌਟਪੁੱਟ ਐਫ-46 ਈਵੈਂਟ 'ਚ ਗੋਲਡ ਮੈਡਲ ਹਾਸਿਲ ਕੀਤਾ।
ਬੀ.ਸੀ. 'ਚ ਕੈਮਲੂਪਸ ਦੇ ਇਸ 35 ਸਾਲਾ ਖਿਡਾਰੀ ਨੇ 16.75 ਮੀਟਰ ਦੇ ਥਰੋਅ ਨਾਲ ਪੈਰਾਲਿੰਪਿਕ ਰਿਕਾਰਡ ਸਥਾਪਿਤ ਕਰਦੇ ਹੋਏ ਸੋਨ ਤਗਮਾ ਜਿੱਤਿਆ।
ਇਸ ਤੋਂ ਇਲਾਵਾ ਅਥਲੈਟਿਕਸ ਵਿੱਚ ਪੁਰਸ਼ਾਂ ਦੇ 100 ਮੀਟਰ ਟੀ-53 ਈਵੈਂਟ 'ਚ ਬਰੈਂਟ ਲਾਕੋਟਾਸ ਨੇ ਚਾਂਦੀ ਦਾ ਤਗਮਾ ਹਾਸਿਲ ਕੀਤਾ।
