ਹੁਨਰਮੰਦ ਪ੍ਰਵਾਸੀਆਂ ਨੂੰ ਆਸਟ੍ਰੇਲੀਆ ਨੇ ਦਿੱਤਾ ਵੱਡਾ ਝਟਕਾ

ਆਸਟ੍ਰੇਲੀਆ ਨੇ ਗੋਲਡਨ ਵੀਜ਼ਾ ਪ੍ਰੋਗਰਾਮ ਰੱਦ ਕਰ ਦਿੱਤਾ ਹੈ, ਜੋ ਵਿਦੇਸ਼ੀ ਅਮੀਰ ਨਿਵੇਸ਼ਕਾਂ ਨੂੰ ਦੇਸ਼ ਵਿਚ ਰਹਿਣ ਦਾ ਅਧਿਕਾਰ ਪ੍ਰਦਾਨ ਕਰਦਾ ਸੀ।

ਸਰਕਾਰ ਨੇ ਵਿਦੇਸ਼ੀ ਨਿਵੇਸ਼ ਨੂੰ ਆਕਰਸ਼ਿਤ ਕਰਨ ਦੇ ਮਕਸਦ ਨਾਲ ਇਹ ਪ੍ਰੋਗਰਾਮ ਸ਼ੁਰੂ ਕੀਤਾ ਸੀ ਪਰ ਹੁਣ ਉਸ ਦਾ ਕਹਿਣਾ ਹੈ ਕਿ ਇਸ ਦੇ ਆਰਥਿਕ ਨਤੀਜੇ ਕੋਈ ਖਾਸ ਸਾਬਤ ਨਹੀਂ ਹੋਏ ਅਤੇ ਇਸ ਲਈ ਇਸ ਪ੍ਰੋਗਰਾਮ ਨੂੰ ਹੁਣ ਹੁਨਰਮੰਦ ਵਰਕਰ ਵੀਜ਼ੇ ਨਾਲ ਰਿਪਲੇਸ ਕੀਤਾ ਜਾ ਰਿਹਾ ਹੈ।

ਗੋਲਡਨ ਵੀਜ਼ਾ 5 ਮਿਲੀਅਨ ਆਸਟ੍ਰੇਲੀਆ ਡਾਲਰ ਦੀ ਇਨਵੈਸਟਮੈਂਟ ’ਤੇ ਮਿਲਦਾ ਸੀ। 2012 ਤੋਂ ਇਸ ਪ੍ਰੋਗਰਾਮ ਰਾਹੀਂ ਹਜ਼ਾਰਾਂ ਵਿਦੇਸ਼ੀ ਨਿਵੇਸ਼ਕਾਂ ਨੇ ਵੀਜ਼ਾ ਹਾਸਲ ਕੀਤੇ, ਜਿਨ੍ਹਾਂ ਵਿਚ 85 ਫੀਸਦੀ ਸਫਲ ਬਿਨੈਕਾਰ ਚੀਨ ਤੋਂ ਸਨ।

ਕਈ ਸਮੀਖਿਆਵਾਂ ਤੋਂ ਬਾਅਦ ਆਸਟ੍ਰੇਲੀਆ ਸਰਕਾਰ ਨੇ ਪਾਇਆ ਕਿ ਇਹ ਸਕੀਮ ਆਪਣੇ ਮੂਲ ਉਦੇਸ਼ਾਂ ਨੂੰ ਪੂਰਾ ਕਰਨ ਵਿਚ ਅਸਫਲ ਰਹੀ ਹੈ। 2022 ਵਿਚ ਯੂ. ਕੇ. ਨੇ ਵੀ ਵੱਡੇ ਅਮੀਰ ਲੋਕਾਂ ਲਈ ਫਾਸਟ-ਟਰੈਕ ਰਿਹਾਇਸ਼ ਪ੍ਰੋਗਰਾਮ ਨੂੰ ਰੱਦ ਕਰ ਦਿੱਤਾ ਸੀ, ਯੂ. ਕੇ. ਨੂੰ ਇਸ ਪ੍ਰੋਗਰਾਮ ਰਾਹੀਂ ਗੈਰ-ਕਾਨੂੰਨੀ ਰੂਸੀ ਪੈਸਾ ਇਨਵੈਸਟ ਕੀਤੇ ਜਾਣ ਦਾ ਪਤਾ ਲੱਗਾ ਸੀ।