10.53C Vancouver 10.53C VancouverDec 10, 2025 5:47 PM - Connect Newsroom - Jasmine Singh
ਯੂ.ਕੇ. ਦੀ ਪ੍ਰਸਿੱਧ ਲੇਖਿਕਾ ਸੋਫੀ ਕਿੰਸੇਲਾ ਦਾ ਬੁੱਧਵਾਰ ਨੂੰ 55 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ। ਉਨ੍ਹਾਂ ਵੱਲੋਂ ਲਿਖੇ ਗਏ ਨਾਵਲ ‘Confessions of a Shopaholic’ ਨਾਲ ਉਨ੍ਹਾਂ ਨੂੰ ਦੁਨੀਆ ਭਰ ਵਿੱਚ ਪ੍ਰਸਿੱਧੀ ਮਿਲੀ। ਕਿੰਸੇਲਾ ਲੰਬੇ ਸਮੇਂ ਤੋਂ ਦਿਮਾਗ਼ ਦੇ ਕੈਂਸਰ ਨਾਲ ਪੀੜਤ ਸਨ। ਅਪ੍ਰੈਲ 2024 ਵਿੱਚ ਕਿੰਸੇਲਾ ਨੇ ਬ੍ਰੇਨ ਕੈਂਸਰ ਦਾ ਖੁਲਾਸਾ ਕੀਤਾ ਸੀ। ਕਿੰਸੇਲਾ ਦੀ ਮੌਤ ਦੀ ਪੁਸ਼ਟੀ ਉਨ੍ਹਾਂ ਦੇ ਪਰਿਵਾਰ ਨੇ ਸ਼ੋਸ਼ਲ ਮੀਡੀਆ ‘ਤੇ ਪੋਸਟ ਪਾ ਕੇ ਕੀਤੀ ਹੈ।
ਕਿੰਸੇਲਾ ਦੀ Shopaholic ਨਾਮ ਦੀ ਪਹਿਲੀ ਕਿਤਾਬ ਸੰਨ 2000 ਵਿੱਚ ਪ੍ਰਕਾਸ਼ਿਤ ਹੋਈ ਸੀ। ਇਸ ਤੋਂ ਬਾਅਦ ਇਸ ਸੀਰੀਜ਼ ਦੀਆਂ ਦਸ ਕਿਤਾਬਾਂ ਛਪੀਆਂ। ਕਿੰਸੇਲਾ ਦੀਆਂ ਇਹਨਾਂ ਕਿਤਾਬਾਂ ਦੇ 45 ਮਿਲੀਅਨ ਤੋਂ ਵੱਧ ਪ੍ਰਕਾਸ਼ਨ ਹੋਏ ਅਤੇ ਇਹ ਦਰਜਨਾਂ ਭਾਸ਼ਾਵਾਂ ਵਿੱਚ ਅਨੁਵਾਦ ਵੀ ਹੋਈਆਂ।
ਉਨ੍ਹਾਂ ਦੇ ਹੋਰ ਪ੍ਰਸਿੱਧ ਨਾਵਲਾਂ ਵਿੱਚ ‘The Gatecrasher’ ਅਤੇ ‘Sleeping Arrangements’ ਵੀ ਸ਼ਾਮਲ ਹਨ। ਕਿੰਸੇਲਾ ਨੂੰ ਸੰਗੀਤ ਦਾ ਵੀ ਸ਼ੌਕ ਸੀ।
